«Grenser i ei digital verd»

Oppgåve 1: Aldersgrenser på sosiale medium

I Noreg er det 13 års aldersgrense på sosiale medium, men du kan likevel oppretta profilar uavhengig av alder. Høgre-politikar Nikolai Astrup har føreslått 16 års aldersgrense og identifisering med BankID for å sikra at ein ikkje lyg på alderen, eller om kven ein er. Les meir her.

Skriv ei tekst der du diskuterer eventuelle aldersgrenser i sosiale medium.

Relevante spørsmål du kan svare på:

Bør det innførast strengare aldersgrenser? Kva bør i så fall aldersgrensa vera, og korleis skal dette handhevast?

Kva meiner du er grunnen til at ein bør/ikkje bør innføra strengare aldersgrenser i sosiale medium?

Meiner du det er andre grep som bør gjerast for å gje unge ein betre inngang i det digitale samfunnet på sosiale medium?

Bruk gjerne eigne erfaringar og relevante kjelder for å byggja opp argumenta dine.

Relevante lenkjer:

• TikTok hevar aldersgrensa for livestrøyming til 18 år
• Høgre-politikar vil ha 16 års aldersgrense og BankID på sosiale medium
• Over halvparten vil auke aldersgrensa i sosiale medium
• Negative opplevingar i sosiale medium kan påverka den mentale helsa

Illustrasjonsfoto: Solen Feyissa/Unsplash

Oppgåve 2: Kunstig intelligens i skulen

Norske lærarar har sendt bekymringsmelding til Stortinget om verktøyet ChatGPT. Les meir her.

Skriv ei tekst der du diskuterer ei etisk utfordring med kunstig intelligens i skulen.

Du vel sjølv problemstilling, men her er nokre spørsmål som kan vera relevante:

• Er det juks å bruka kunstig intelligens på skuleoppgåver?
• Kan lærarar bruka kunstig intelligens til å retta oppgåver?
• Bør skulen ta i bruk kunstig intelligens? Kvifor/kvifor ikkje?
• Korleis kan skulen ta i bruk kunstig intelligens på ein god måte og førebu elevane på livet etterpå?

Relevante saker:

• • Lærarar fortviler over ny kunstig intelligens
  • Universitet tek kunstig intelligens-grep – tilbake til penn og papir
  • «At ein robot no kan erstatte lærarane sine roller og elevane si eiga læring bekymrar meg»
  • Norsk studie: Eksamenssvar frå ChatGPT vart avslørt i 6 av 10 tilfelle

Illustrasjonsfoto: Shahadat Rahman, Unsplash.com

Oppgåve 3: Filming av ungdomsidrett

I 2022 opna Noregs idrettsforbund for filming og strøyming av idrettsarrangement der spelarane er 15 år og oppover. Her kan du lesa retningslinjene deira.

Skriv eit meiningsinnlegg der du gjer greie for ditt syn på strøyming av ungdomsidrett.

Bør det strøymast på nett? Kva er dei positive sidene? Og kva er dei potensielle negative konsekvensane.

Les deg opp på debatten og bruk relevante kjelder for å underbyggja synspunkta dine. Bruk gjerne eigne erfaringar frå idretten om du har det.

Relevante lenkjer:

• Barneministeren vil ha 18-årsgrense for strøyming i idretten
• Datatilsynet: Strøyming av barneidrett kan i praksis bli umogleg

Illustrasjonsfoto: Colourbox