Studentane ber om økonomisk hjelp
Denne artikkelen er eldre enn 1 år gamal. Det betyr at noko av informasjonen kan vere utdatert.
No i koronapandemien har mange av deltidsjobbane til studentane blitt borte. Det har gitt dei tronge økonomiske tider.
– Det er brei semje om at studiestøtta ikkje er nok til å leve på. Så det er ikkje noko nytt at studentar må ha inntekt frå jobb eller pengar frå andre stader, seier Andreas Trohjell, som er leiar i Norsk studentorganisasjon, til NRK.
- Har du fått med deg reglane i den sosiale nedstenginga? Dette er dei nye smitteverntiltaka
Asheim: – Situasjonen er annleis no
I vår kunne studentane søkje om 26.000 kroner i ekstra støtte frå Lånekassen, der 8.000 kunne gjerast om til stipend.
Forskings- og høgare utdanningsminister Henrik Asheim (H). Foto: Kunnskapsdepartementet
Regjeringa kan derimot ikkje love ei liknande løysing no.
– Situasjonen er annleis no enn i mars og april, for no er det ein del ulikskap rundt om i landet. Du har nokre store byar der det er mykje nedstengingar og mange jobbar som framleis er borte. Og så har du andre område der det går greitt og mange er tilbake i jobb, seier Henrik Asheim (H), som er høgare utdannings- og forskingsminister.
Han kan ikkje seie noko om konkrete tiltak, men at dei må følgje med på korleis utviklinga blir i vinter og vår.
– Mange står i ein umogeleg situasjon
I statsbudsjettet vart det sett av ein milliard til studentane. Så langt står 600 millionar ubrukt. Det reagerer utdanningspolitisk talsperson i Arbeidarpartiet, Torstein Tvedt Solberg, på.
– Vi meiner regjeringa har vore veldig avvisande og arrogante overfor studentane. Mange står i ein umogleg situasjon no, dei har mista deltidsjobben og sparepengane er brukt opp. Eg fryktar at mangel på kriseordningar aukar faren for at fleire vil droppe ut av studiane i vår, seier han til NRK.
- Regjeringa ber om digital undervisning til 18. januar slik at studentar kan vere utsetje reise, får kritikk for sein beskjed: – Studentar flest har sjølvsagt kjøpt returbillett allereie, og har ikkje økonomi til å kjøpe endå ein billett på eit seinare tidspunkt, seier NSO-leiaren
NSO-leiar Andreas Trohjell. Foto: Skjalg Bøhmer Vold/NSO
