Unge meiner media krisemaksimerer pandemien
Sjølv om to av tre nordmenn er fornøgde med mediedekninga av koronapandemien, meiner 55 prosent at media har krisemaksimert.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det viser ei undersøking frå AgendaTracker, som har spurt 1.008 nordmenn.
– Meir enn 1,7 millionar nordmenn meiner at media har fokusert for mykje på viruset, at media til tider har krisemaksimert og at det har vore for mykje useriøs dekning av koronasituasjonen, som kjendishistorier og fly som må lande tidsnok så passasjerane skal sleppe karantene. Dette tyder på at mange òg har vore misnøgd med mediedekninga, seier Lukas Loeb i PR-operatørane.
Dei over 60 år er mest fornøgde med dekninga, medan dei mellom 18 og 29 år meiner at media i for stor grad har krisemaksimert og fokusert på pandemien.
Synest du media har fokusert for mykje på koronapandemien?
Synest du media har fokusert for mykje på koronapandemien?
- Les også mediekommentaren frå då pandemien braut ut i vår: «Koronaviruset er eit utmerka høve til å vise ekte journalistikk»
VG når dei unge
NRK er primærkjelda for folks koronainformasjon og er spesielt populært blant dei over 50. VG hanka inn flest lesar mellom 18 og 40 år.
– Dei viktigaste årsakene til at NRK og VG gjer det såpass bra i denne undersøkinga, er at dei blir sett på som dei mest truverdige media og at nordmenn meiner dei har vore tidlegast ute med ny informasjon om covid-19, opplyser Loeb.
- Vil du lese om noko heilt anna enn koronapandemien? Les «kome ut»-historiane til tre unge skeive: Lukas vart kasta ut heimanfrå, Kristine trudde ho kunne velje vekk legninga si og Tuulia annonserte det på Facebook.
F.v. Tuulia Keränen (27), Lukas Steidl (21) og Kristine Medhaug Grönn (20). Foto: Privat/Maja Korbøl.
