Utfordrande for lærarstudentar under pandemien

Mange av dei 20.000 medlemmene i organisasjonen Pedagogstudentene strevar, fortel Elise Håkull Klungtveit, leiar for Pedagogstudentene, til NRK.

Mange av studentane har tatt kontakt med organisasjonen om «bekymringsmeldingar».

• Les også: Mina (27) har droppa ut av studia to gongar – med heimeundervisning fekk ho toppkarakter

Utfordrande praksisperiode

Nokre av studentane får berre møte elevane dei har gjennom praksisen, digitalt, og nokre får ikkje den planlagde praksisen i det heile tatt, fordi skular og barnehagar er redde for å auke risikoen for smitte under pandemien.

Digital undervisning gjer det vanskelegare å følge opp med spørsmål, og mange studentar saknar òg eit tettare samarbeid med andre studentar om oppgåver dei skal løyse.

• Les også: Datatilsynet om kamera i digital undervisning: – Må erkjenna at det er ei større belastning å ha på kamera

Går ut over motivasjonen

Klungtveit trur manglande praksis kan påverke motivasjonen til studentane. I dag er det 30 prosent av studentane som forsvinn frå studiet dei første fire åra. No fryktar ho at talet blir enno høgare.

• Les også: Over 1100 studentar vil spleisast med ein venn: – Skjønte no at vi måtte ta saka i eigne hender

Karen Mjør er leiar i Studentersamfundet i Trondhjem, som no tek grep for å hindre einsemd blant studentane i byen. Foto: Privat