Utdanningsdirektoratet tilrår å avlyse vårens eksamen

Hege Nilssen er diretør i Utdanningsdirektoratet. Foto: Utdanningsdirektoratet

– Pandemien har påverka kvaliteten i opplæringa, men i ulik grad. Elevane har difor hatt ulike rammer for opplæring og vil ha ulikt grunnlag for sluttvurdering denne våren, seier direktør Hege Nilssen i ei pressemelding.

Unntak for privatistar

Ho påpeikar at eksamen er ein viktig del av sluttvurderinga i Noreg, og at det har vore gode argument både for og mot å avlyse, noko som har vurderinga krevjande.

I si risikovurdering tilrår likevel Utdanningsdirektoratet å avlyse alle vårens eksamenar for elevar på grunnskulen og i vidaregåande opplæring. 

Unntaket er for privatistar og kandidatar som må ta eksamen for å bestå faget.

• Les også meiningsinnlegget: «Avlys eksamen, no!»

Rettferdig sluttvurdering

Tilråding er gjort utfrå ei heilskapleg vurdering av tre sentrale omsyn: likebehandling og ei rettferdig sluttvurdering; motivasjonen, trivselen og læringa til elevane; og kor vidt det er praktisk mogeleg å gjennomføre.

Direktoratet peikar på at også i dette skuleåret har smittespreiinga og smitteverntiltaka vore betydelege, noko som særleg har råka elevar i område med høg smitte og strenge lokale tiltak.