Meir lønsamt for butikken å kaste varer enn å donere
Denne artikkelen er eldre enn 1 år gamal. Det betyr at noko av informasjonen kan vere utdatert.
På nettsidene sine skriv miljøorganisasjonen Framtiden i våre hender at dei har fått inn fleire tips frå tilsette i klesbutikkar om at dei har blitt bedne om å destruere overflødige varer.
Ifølgje organisasjonen har dei fått inn meldingar om at reklamasjonsvarer blir øydelagde før dei blir kasta, medan andre får beskjed om å øydeleggje varer for å unngå dumpster-diving.
Fleire av tipsarane understrekar at desse varene har vore heilt plettfrie returvarer og at sesongvarer blir kasta etter sesong.
- Les også saka: Slik får du kleda dine til å vare lenger!
700 tonn overflødige klede
Ein Norsus-rapport frå 2020 har rekna ut at norske butikkjeder sit igjen med minst 700 tonn overflødige klede kvart år – og sannsynlegvis mykje meir – som ikkje blir selde.
Dagens skatte- og avgiftsreglement gjer det ofte meir lønsamt for butikkane å kaste varer heller enn å gi dei bort. Butikkane kan i dag skrive av øydelagde varer på skatten, men må betale skatt og meirverdiavgift for å gi bort plagg til dømes til ein bruktbutikk.
Framtiden i våre hender skriv at dei jobbar for ein tiltakspakke mot sløsing, som har som formål å endre regelverket slik at det ikkje skal løne seg for butikkane å kaste uselde og returnerte varer.
Har du lyst til å lese meir om klesindustrien? Sjekk ut desse:
- Slik påverkar fast fashion verda
- Bruk kleda dine dobbelt så lenge – halver klesutsleppa dine!
- Ny studie: Å leige klede er verre for klima enn å kaste dei
- Visste du at kommersielle bruktbutikkar ikkje får ta imot klede frå privatpersonar under 18 år? – Det må bli enklare å drive bruktbutikk i 2021
Les også: Marie (19) vil vise at slow fashion kan vere dritkult
DISCO-kolleksjonen til Murby består av ulike bukser og overdelar i fargerike, glitrande stoff. Foto: Sara Tonning. Foto: Sara Tonning, kollasj Framtida.no
