Ap vil skrote fråværsgrensa i vidaregåande skule
AUF har fått med seg Arbeidarpartiets landsmøte på at den omdiskuterte fråværsgrensa i vidaregåande skule skal fjernast.
![](https://framtida.no/wp-content/uploads/2023/11/NPK-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
– Det betyr at den strenge fråværsgrensa til høgresida vil bli fjerna og erstatta av eit nytt nasjonalt fråværsreglement, seier AUF-leiar Astrid Hoem til VG.
Forslaget må formelt vedtakast av landsmøtet som går føre seg i Folkets Hus i Oslo, men det som er innstillingane frå redaksjonskomiteen på møtet, blir som oftast vedteke.
Ifølgje regelverket får ikkje elevane karakter i eit fag der dei har meir enn 10 prosent udokumentert fråvær. Ordninga vart innført av Solberg-regjeringa i 2016 for å hindre skulking. Under pandemien vart reglane sette på pause, men vart innført igjen i fjor.
Hoem seier til VG at det ikkje er bestemt korleis eit nytt reglar for fråvær skal bli. Det viktigaste er at dagens ordning blir avvikla.
– Det å vere borte i eit par historietimar bør ikkje presse deg ut av skulen eller gjere at du ikkje får karakter i eit fag, seier Hoem til VG.