Japansk uteliv satsar på alkoholfrie drinkar for å nå Gen Z
Denne artikkelen er eldre enn 1 år gamal. Det betyr at noko av informasjonen kan vere utdatert.
I sommar lanserte skattestyresmaktene i Japan ein konkurranse for å auke alkoholsalet blant unge, etter ein jamn nedgang i inntekter frå alkoholsal.
No satsar bransjen òg på alkoholfrie alternativ for å få unge japanarar til å leggje att pengar hjå dei, skriv Reuters.
Auke i sal av alkoholfritt
Nyheitsbyrået viser til at salet av lettøl og alkoholfritt øl steig med 20 prosent første halvår av 2022, medan salet av boksøl gjekk ned med 4 prosent, ifølgje selskapet Sapporo Holdings Ltd.
Talet på japanarar i 20-åra som drikk regelmessig har sokke kraftig, frå 20,3 prosent i 1999 til 7,8 prosent i 2019, ifølgje styresmaktene.
Noko å skåle med
Manaka Okamoto (22) fortel til Reuters at om ho skal opp tidleg, går ho for ein alkoholfri drink for å få ei kjensle av alkohol når ho drikk aleine.
– Og så klart, når eg heng med vennar som ikkje drikk, er det kjekt å ha noko å skåle med.
Dagleg leiar i det japanske bryggeriet Suntory, Masako Koura, trur at folk ikkje berre er opptekne av å nyte alkohol når dei møtest ute, men at dei verdset meir av kommunikasjonen i settingen og atmosfæren på staden der dei drikk.
Foto: Erna Solberg (regjeringen.no), Tore Sagen (Mattis Folkestad/NRK P3), Kyrre “Kygo” Gørrvell-Dahll (Jordan Strauss/Invision/AP) Ingrid Alexandra (Lise Åserud / NTB scanpix POOL).
