No krev UNICEF handling
UNICEF oppfordrar regjeringar og bedrifter til å lytta til barn og prioritera tiltak som vernar dei mot konsekvensane av klimaendringane. Samtidig vil dei at arbeidet med å redusera klimautslepp må oppskalerast betrakteleg.
Dette er UNICEF sine oppfordringar til myndigheiter, næringslivsaktørar og relevante organisasjonar:
- Auka investeringane i klimatilpasning av tenester for barn.
- Redusera klimagassutslepp i samsvar med Parisavtalen. Omfattande og akutte tiltak er naudsame.
- Gi barna klimaopplæring og miljøferdigheiter.
- Inkludera unge menneske i alle nasjonale, regionale og internasjonale klimaforhandlingar og avgjerdsler.
- Sørga for at gjenoppbyggingen etter Covid-19-pandemien er grøn, karbonfattig og inkluderande.
- Les også intervjuet frå Sicilia, der det vart mål europeisk varmerekord: – Dystopisk, seier Valerio (23) og Dina (19)
– Eit moralsk ansvar for å gå føre i klimakampen
Une Bastholm er leiar av Miljøpartiet Dei Grøne. Foto: Thomas Ekström/Wikiemedia Commons/CC BY-SA 2.0
Til NTB seier leiaren for Miljøpartiet Dei Grøne, Une Bastholm, at rapporten er nok eit bevis på kor livsfarleg og urettvis klimatrusselen er, og kor mykje det hastar å ta grep.
– Klimakrisa er ei krise for barn og unge i heile verda, men det er barna i dei landa som har bidrege minst til krisa som blir hardast ramma. Som eitt av dei rikaste landa i verda, ein rikdom vi delvis har bygd på eksport av olje og gass, har vi i eit sterkt moralsk ansvar for å gå føre i klimakampen, seier Bastholm til NTB.
Ho krev stopp i olje- og gassleiting, meir klimabistand og raskare kutt i Noreg.
- Les også saka: Marie (19) vil vise at slow fashion kan vere dritkult
DISCO-kolleksjonen til Murby består av ulike bukser og overdelar i fargerike, glitrande stoff. Foto: Sara Tonning. Foto: Sara Tonning, kollasj Framtida.no
