Fleire ungdomsparti vil ha studentar fram i vaksinekøen
Denne artikkelen er eldre enn 1 år gamal. Det betyr at noko av informasjonen kan vere utdatert.
Mange av dei yngste studentane håpar dei er ferdig vaksinerte når fadderveka byrjar.
Unge Høgre-leiar Ola Svennebye er blant dei som meiner unge har ofra mykje under pandemien og ber regjeringa vurdere vaksinerekkjefølgja, skriv NRK.
Leiar i Unge Høgre, Ola Svenneby, meiner studentar bør rykke fram i vaksinekøen før studiestart til hausten. Foto: Unge Høyres Landsforbund / NTB / NPK
– Unge har jo ikkje isolert seg sjølv og følgt smittevernreglar eller avlyst festar, bursdagar eller fadderveker for eigen del, seier Svenneby til NRK.
Oppfatninga hans blir delt av leiaren i Sosialistisk Ungdom, Synnøve Kronen Snyen, som meiner det ikkje bør vere ein automatikk i at unge må vente lengst på vaksine.
– Eg forventar at FHI og regjeringa gjer ei grundig vurdering av om ungdom bør vaksinerast før friske vaksne, seier Snyen.
- Les også: Marta (25) reagerer på at rike land kjøper seg fram i vaksinekøen: – Me er alle menneske
Geir Bukholm. Foto: FHI
FHI ser på aldersgruppa
Folkehelseinstituttet ser på kva effekt det vil ha dersom ein endrar rekkjefølgja og vaksinerer unge først, seier smitteverndirektør Geir Bukholm.
– Eg trur kanskje ikkje vi ser på studentar som studentgruppe, men vi ser heilt klart på den aldersgruppa og kva effekt det kan ha. I tillegg til det, ser vi nok på utdanningsinstitusjonane spesielt for å sjå om det er viktig at vi gjer eigne tiltak i forhold til prioriteringa av dei, seier Bukholm.
Wenche og barnebarnet Kristine. Foto: Privat , Maja Korbøl
