Rekordmange jenter søkjer gutedominerte utdanningsprogram
Gutedominerte utdanningsprogram har aldri hatt fleire kvinnelege søkjarar enn i år. Det gir håp for betre kjønnsbalanse i arbeidslivet, meiner kunnskap-. og integreringsministeren.
Denne artikkelen er eldre enn 1 år gamal. Det betyr at noko av informasjonen kan vere utdatert.
Aldri før har fleire jenter søkt seg til utdanningsprogramma bygg- og anleggsteknikk, elektrofag og teknikk og industriell produksjon enn i år, skriv Utdanningsdirektoratet i ei pressemelding.
Talet på jenter som har søkt seg til Vg1 på desse faga har auka med 50 prosent dei siste tre åra.
- Les også om arbeidsdagen som automatikar: – Eg hadde høyrd at automasjon var både spennande og variert, noko som viste seg å stemme på ein prikk, seier Odd-Helge (20)
Kunnskaps- og integreringsminister Guri Melby (V). Foto: Venstre
Føresetnad for betre kjønnsbalanse i arbeidslivet
– Om vi skal oppnå betre kjønnsbalanse i arbeidslivet er det også ei føresetnad at fleire jenter og gutar vel utradisjonelt, seier kunnskaps- og integreringsminister Guri Melby (V).
Det er framleis stor overvekt av jenter ved fleire utdanningsprogram, blant anna helse- og oppvekstfag og kunst, design og handverk.
På det nye utdanningsprogrammet frisør, blomster, interiør og eksponeringsdesing, var 90 prosent av søkjarane kvinner.
- Les også intervjuet med Rhine (17) som drøymer om å arbeide på ubåt: – Det er nok mange som ikkje vel yrkesfag fordi dei ikkje tør, og fordi dei ikkje vil skilja seg ut
Rhine Storetvedt er godt nøgd med skulen. Foto: Svein Olav B. Langåker
