NAV-rapport: Nye AAP-reglar har ført til at fleire går på sosialstønad
Talet på personar som går frå arbeidsavklaringspengar til sosialhjelp, har auka kraftig etter at regjeringa stramma inn reglane for kor lenge ein kan få AAP.
Denne artikkelen er eldre enn 1 år gamal. Det betyr at noko av informasjonen kan vere utdatert.
AAP er ei overgangsordning, ein stønad folk med sjukdom eller skade får, medan det blir avklart om dei enten skal bli friskmelde eller komme over på uføretrygd.
- Les også: Fleire unge uføre i slutten av tjueåra – Delen unge uføre mellom 25 og 29 år aukar. På eitt år har det vorte 1.578 fleire unge uføretrygda, ifølgje tal frå Nav.
Nye reglar har ført til fleire på sosialhjelp
Frå 1. januar 2018 kutta regjeringa makstida for å få AAP frå fire til tre år, for å få ei raskare avklaring av AAP-mottakarar mot jobb eller uføretrygd, ifølgje Dagsavisen.
Ein ny rapport frå Nav onsdag viser derimot at det har vore ein kraftig auke i talet på personar som verken kjem ut i jobb eller får uføretrygd, dei hamnar på sosialhjelp etter at regjeringa stramma inn regelverket.
Les også: Regjeringa foreslår å kutte minstesatsen for arbeidsavklaringspengar (AAP) for unge under 25 år.
– Har ikkje klart å følgje opp nok
Kjell Hugvik i NAV. Foto: Espen A. Istad/NAV
– Det er liten tvil om at regelverksendringane for AAP har ført til at fleire avsluttar til sosialhjelp eller inga registrert inntekt, skriv forskarane bak rapporten, Inger Cathrine Kann og Therese Dokken.
Ifølge rapporten visar utrekningar at sannsynet for å bli uføretrygda etter avslutta AAP-periode har aukt med 3,4 prosentpoeng, blant dei som mottok AAP i 2018 samanlikna med perioden 2015–2016.
– Vi har ikkje klart å følgje opp alle i like stor grad som vi skulle ønskt. Det er vi klar over, og det jobbar vi med, skriv Kjell Hugvik, arbeids- og tenestedirektør i Nav i ein e-post til Dagsavisen.
- Les også om Torkel Eikevik sitt møte med pakkeforløp i psykiatrien: – Etter 27 år med ubehandla ADHD følte eg at eg hadde venta lenge nok»
Torkel Eikevik var med i andre sesong av NRK-serien «Jeg mot meg». Foto: NRK
