Denne artikkelen er eldre enn 1 år gamal. Det betyr at noko av informasjonen kan vere utdatert.
Framtida.no, Magasinett og Fridthiov Oos´ legat inviterer til skrivekonkurransen for ungdom om språkpolitikk, språkmangfald og språkutvikling.
Vel mellom éi av desse oppgåvene:
Oppgåve 1:
Lærarar er redde for at Nynorskroboten vil gjera det enklare å juksa på skulen. Skriv ein argumenterande tekst om kva nynorskroboten kan ha å seia for nynorsken si framtid og/eller opplæringa i nynorsk.
Aktuelle spørsmål:
- Bør det bli lov å bruka nynorskroboten i skulen?
- Korleis skal lærarane vurdera nynorskkunnskapane til elevane dersom dei har brukt nynorskroboten?
- Korleis kan nynorskroboten bidra til å sikra dei språklege rettane til nynorskbrukarane?
Bruk relevante kjelder til å underbygga argumenta dine.
Oppgåve 2:
Skriv eit debattinnlegg om kva du meiner må gjerast for å ta vare på dei språklege rettane til mindretalet i det digitale samfunnet vårt.
Aktuelle spørsmål:
- Kva digitalt innhald (program, nettsider, appar e.l.) saknar du på nynorsk eller samisk?
- Kva blir konsekvensane for ungdom og andre når det manglar viktige digitale tilbod på nynorsk eller samisk?
- Kva kan forbrukarar og frivillige gjera for å sikra at dei møter språket sitt på nett?
- Kan styresmaktene setja krav til store selskap som Google og Apple om å tilby programvare på nynorsk?
Bruk relevante kjelder til å underbygga argumenta dine.
Her er nokre artiklar om temaet:
Mållaget krev at nynorsken blir sikra i digitale læremiddel
Nynorske elevar blir tvinga til å bruka bokmål
Microsoft opnar for å behalde nynorsk i e-post-app
Oppgåve 3:
Nokre forskarar meiner det norske dialektmangfaldet er truga, og trur me i framtida kjem til å ha landsdelsdialekter og kanskje til og med eit standard talemål for heile landet. Skriv ein reflekterande tekst om dei positive og negative sidene ved dette.
Informasjon om konkurransen:
Både vinnarteksten og tekstane som konkurrerer i toppen vil bli publisert på Framtida.no. Me ser etter tekstar som er tankevekkande, originale og kan engasjera. Me ser òg etter i kva grad du klarer å bruka relevante kjelder til å underbygga argumenta dine.
Format: Word-fil (pass på å dela som vedlegg til eposten, og ikkje som lenkje. Då er det ikkje alltid at me klarar å få opna fila)
Lengde: Maks 750 ord, men gjerne kortare!
Premie: 1. plass: 5000 kroner kvar til tre vinnarar. I tillegg blir fem deltakarar i skrivekonkurransen trekt ut som vinnarar av bokpremiar.
Aldersgrense: under 20 år
Innleveringsfrist: 5. mars 2021
Målform: Nynorsk
Send inn som eit Word-dokument-vedlegg til: magasinett @ gmail.com
(Pass på at det er ei tilgjengeleg lenkje til dokumentet og aller helst eit vedlegg)
OBS: Hugs å merka teksta med <NAMN>, <ALDER>, <SKULE> og <TELEFONNUMMER>.
LES OGSÅ: Slik skriv du debattinnlegg!
