Norske legar krev klimahandling
Denne artikkelen er eldre enn 1 år gamal. Det betyr at noko av informasjonen kan vere utdatert.
Oppropet er ein del av «Legane sin klimaaksjon.»
– Som legar er vi etisk forplikta til å varsle når stor helsefare trugar. Klimakrisa er ei helsekrise og norsk politikk forverrar krisa, skriv legane i ei pressemelding.
Politikken må endrast
Legane bak aksjonen meiner norsk politikk må endrast for å førebyggje omfattande død og liding.
Dei viser mellom anna til det medisinske tidsskriftet, The Lancet, som omtalar klimakrisa som det største trugsmålet mot helsa vår dette hundreåret.
Ber om å stoppe oljeleitinga
Tysdag leverte dei ei underskriftskampanje til stortingspresident Tone Wilhelmsen Trøen, med over 1.100 underskrifter.
Dei ber Stortinget sørge for at Noreg:
- Stoppar oljeleitinga og starta nødvendig utfasing av produksjon av olje og gass no.
- kuttar eigne klimagassutslepp meir enn det som ifølgje FNs klimapanel er nødvendig for å begrensa global oppvarming til godt under 2 °C.
- bidreg langt meir til at låginntektsland oppnår reduksjon i klimagassutslepp og blir betre i stand til å møte dei helsemessige og sosiale utfordringane som klimakrisen inneber.