Denne artikkelen er eldre enn 1 år gamal. Det betyr at noko av informasjonen kan vere utdatert.
Gjennomsnittleg grunnskulepoeng har auka for både jenter og gutar dei siste ti åra. Sidan 2015 har likevel kjønnsforskjellane halde seg på rundt 4,5 poeng i jentene sin favør.
Snittet for jenter ligg i år på 44,3 poeng, medan det for gutar ligg på 39,7 i 2019, ifølgje tal frå Statistisk sentralbyrå.
Gjennomsnittleg grunnskulepoeng etter kjønn. Kjelde: SSB
Forskjell i fag
Jentene får høgare standpunktkarakter i nesten alle faga, noko som får størst utslag i norsk hovudmål, norsk sidemål, kunst og handverk og mat og helse.
Minst forskjell er det i matematikk, og berre i kroppsøving får gutane gjennomsnittleg betre karakterar.
- Les om korleis Stoltenbergutvalet vil løfte gutane her: Utforskande skuleår, fleksibel start og heildagsskule
Gjennomsnittlege standpunktkarakterar i utvalgte fag, etter kjønn. 2019. Kjelde: SSB
Høgast snitt har elevane i Oslo med 43,3 grunnskulepoeng i år. Deretter følgjer Akershus (42,6) og Oppland (42).
I motsett ende av skalaen finn me Finnmark (40,4), Telemark (40,5) og Østfold (41,2).
- Visste du at i løpet av dei siste åtte åra har norskkarakteren til nynorskgutane vorte dårlegare? Bokmålsdominans, dialekt og dataspel får skulda.
