Språkrådet uroa over nynorskopplæringa
Læreplanen i norskfaget bør halde seg til den vedtekne språkpolitikken og sikre betre vilkår for nynorsk, meiner Språkrådet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Uroa over nynorskopplæringa
Språkrådet er bekymra over at dei nye læreplanforslaga frå Utdanningsdirektoratet kan sjå ut til å svekkje nynorsken.
– Det uroar oss særleg at skriveferdigheitene i framlegget blir presiserte på ein slik måte at det kan svekkje vilkåra for å halde oppe norsk, særleg nynorsk, i alle delar av samfunnet, skriv Språkrådet i eit brev til kulturministeren og kunnskapsministeren om læreplanforslaga frå Utdanningsdirektoratet.
Les også: Nynorsk er ikkje eit seriøst fag utan eksamen
– Vil innebere svakare opplæring
Språkrådet oppmodar ministrane til å saman sikre at viktige språkpolitiske omsyn blir ivaretekne når læreplanen i norsk no blir revidert. Utdanningsdirektoratet har kome med forslag til Kunnskapsdepartementet, som skal sende eit læreplanframlegg ut på høyring.
– Forslaga til revidert læreplan og nye ordningar for sluttvurdering vil innebere svakare opplæring i nynorsk for bokmålselevar og i bokmål for nynorskelevar, heiter det i brevet frå styreleiar Ottar Grepstad og direktør Arnfinn Muruvik Vonen i Språkrådet.
Dei peikar på at statusen til nynorsk og kva område nynorsk blir brukt på, mellom anna heng saman med kva plass nynorsk får i norsk og i andre fag i skulen.
Les også: SV-gruppe skal styrkja nynorsken
