Over 10.000 i studentbustadkø – NSO etterlyser nye studentbustader
Denne veka er det semesterstart ved dei fleste universitet og høgskular. Framleis står 10.000 studentar i kø for å få bustadene i studentsamskipnadene.
Denne artikkelen er eldre enn 1 år gamal. Det betyr at noko av informasjonen kan vere utdatert.
Køtala har minka med 6.088 studentar, frå 16.421 2. august til 10.333 16. august, skriv Samskipnadsrådet.no
Køtala går ned fordi studentar anten flyttar inn i ein studentbustad eller finn bustad på den private marknaden. Denne veka er det semesterstart hos dei aller fleste universiteta og høgskulane.
- Har du fått med deg teksten til Linn Isabel Eielsen om åra hennar i studentbustad? To år marinert i eksos og hasjrøyk – no er det nok
Tuva Todnem Lund er leiar av Norsk Studentorganisasjon. Foto: NSO/ Skjalg Bøhmer Vold
NSO etterlyser studentbustader
Leiar av Norsk studentorganisasjon, Tuva Todnem Lund, seier ho er bekymra over at over 10.000 studentar framleis står i kø for å få studentbustad.
– Desse studenten må gå på bustadjakt, ofte i ein ukjend by, i staden for å kunne delta i studiestarten. Vi treng at det blir bygd fleire studentbustader no, for å forhindre slike køar i åra framover, seier Lund.
– Aldri før har så mange fått plass ved universiteta og høgskulane i landet, noko som blir spegla i bustadkøen, seier forskings- og høgare utdanningsminister Henrik Asheim (H).
Han seier det rundt om i landet blir bygd mange studentbustader – og at det skal byggjast meir.
- Er du ein av dei heldige som har fått deg bustad? Her får du alt du må vete om husleigekontrakta!
Bakgrunnfoto: Brandon Griggs/Unsplash. Kollasj: Framtida.no. Logo: L-innsikt.
