Studentar seier nei til fleire jussutdanningar i Noreg
Ein jusstudent ved Universitetet i Bergen har starta ein underskriftskampanje mot fleire jusstudium i Noreg.
Denne artikkelen er eldre enn 1 år gamal. Det betyr at noko av informasjonen kan vere utdatert.
Til no er det samla inn nesten 1.500 underskrifter mot at den såkalla gradsforskrifta blir endra slik at andre studiestader enn universiteta i Oslo, Bergen og Tromsø kan tilby master i rettsvitskap.
I dag har desse tre universiteta monopol på å utdanne juristar i Noreg.
Opprop mot nye utdanningar
No planlegg Universitetet i Stavanger (UiS), Nord universitet og Universitetet i Agder (UiA) eigne jussutdanningar på masternivå, skriv Khrono. Det har fått noverande jusstudentar til å reagere.
No har vel 1.450 personar signerte på eit opprop som vart lansert 27. mars:
«At en spesialisert mastergrad skal likestilles med og gi de samme rettighetene som dagens master i rettsvitenskap, er svært kritikkverdig», heiter det i oppropet.
Fryktar for mange juristar
Jusstudent Jennifer Brunkow ved Universitetet i Bergen seier til Khrono at det er på tide at studentane blir høyrde i denne saka.
– Sidan endringa faktisk ikkje er vedteke enno, har vi framleis sjansen til å komme med innspel.
Ho seier ho er bekymra for at skal utdannast for mange juristar, og at dette er dårleg ressursbruk. Ho fryktar òg mangel på kvalifiserte fagfolk.
– Eg meiner at kvantitet, framfor kvalitet sjeldan er ei god løysing. Det bør heller fokuserast på vidareutvikling av dagens studietilbod, i tillegg til tilpassing av studietilbodet, med omsyn til samfunnsutviklinga og behov, seier ho.
UiS og UiA har i dag jussutdanningar på bachelornivå, i tillegg til at UiS tilbyr master i forretningsjuss.
Solveig Brunvoll studerer jus hjå Universitetet i Oslo, og reagerer på nynorskhaldningane ho møter i undervisninga. Foto: Privat
