Unge må belage seg på å vere lenger i jobb
Unge i dag må førebu seg på eit lengre arbeidsliv enn mange av dagens pensjonistar. Pensjonistutvalet foreslår å auke pensjonsalderen med tre og eit halvt år.
Denne artikkelen er eldre enn 1 år gamal. Det betyr at noko av informasjonen kan vere utdatert.
Unge som er fødde på 90-talet må rekne med å jobbe til dei er 70 og eit halvt år, seier utvalsleiar og Schibsted-direktør Kristin Skogen Lund til NRK.
Ho foreslår også å auke nedre aldersgrense frå 62 år til 65 og eit halvt år.
Stor utgiftspost
Årsaka er at norske styresmakters økonomiske handlingsrom sannsynlegvis vil bli vesentleg mindre i kommande år. Derfor vil staten vere avhengig av auka inntekter eller reduserte utgifter. Og ein av dei største utgiftspostane på statsbudsjettet er pensjonen.
Unge i dag må førebu seg på at dei må jobbe lenger før dei kan ta fatt på pensjonstilværet. Illustrasjonsfoto: Gorm Kallestad / NTB / NPK
Torsdag presenterer Pensjonsutvalet rapporten sin. Dei vart bedne om å evaluere pensjonsreforma frå 2011 som skulle sikre at staten kan betale for pensjon gjennom folketrygda også i framtida, når talet på pensjonistar aukar og folk lever lenger.
Pensjonsutvalet vil auke dagens pensjonsalderen som er på 67 år. Lund seier at endringa må skje over tid.
- Les også: Berre éin av fire unge ser lyst på framtida og trur velferdsstaten vil bli betre i framtida
Hanan Anwar Ahmed (17 1/2), Oda Volden de Fine (18) og Victoria Malene Maraas (18) er elevar på Fitjar vidaregåande skule, sør for Bergen. Foto: Svein Olav B. Langåker
