– Frådraget slik det er skissert, vil i snitt gi skattelette på inntil 20 prosent til unge med låge og middels inntekter. I tillegg til å gi unge meir å rutte med vil det styrkje insentivet til å jobbe, seier finansminister Jan Tore Sanner (H) i ei pressemelding.

Forslaget, som er sendt ut på høyring, vil innebere ei skattelette på meir enn 4.000 kroner for om lag 200.000 unge. Samtidig vil om lag 100.000 unge få mellom 2.000 og 4.000 kroner i lågare skatt.

• Les også: Revidert nasjonalbudsjett: Dette betyr det for lommeboka

Lågare sysselsetting

Delen sysselsette under 30 år har gått ned dei siste 20 åra. Utviklinga må sjåast i samanheng med at fleire tek høgare utdanning, men handlar òg om meir utanforskap.

Delen unge som får uføretrygd eller arbeidsavklaringspengar, har auka i perioden, skriv Finansdepartementet.

– Regjeringa ønskjer å snu denne utviklinga gjennom mellom anna å styrkje arbeidsinsentiva for unge. Lykkast vi med dette, vil det kunne bety mykje for den enkelte, men også for den økonomiske berekrafta i tiåra som kjem, seier Sanner.

• Les også: Senterungdommen vil ha skattefrådrag for Gardssparing for unge