Kvalen med plast i magen endra plastvanane til fire av ti
Denne artikkelen er eldre enn 1 år gamal. Det betyr at noko av informasjonen kan vere utdatert.
Tysdag var det tre år sidan ein død kval med magen full av plast vart funnen på Sotra. Bildet av magen med all plasten gjekk viralt og sjokkerte mange. No viser ei undersøking at det førte til endra plastvanar, skriv NRK.
Det er Opinion som har gjort spørjeundersøkinga for Universitetet i Bergen (UiB).
- Les saka Framtida.no skreiv for tre år sidan: – Magen på kvalen var fullstappa av plast
Terje Lislevand er førsteamanuensis ved
Universitetsmuseet i Bergen. Foto: UiB
I undersøkinga svarer fire av ti som er spurde, at kvalen har bidrege til at dei har endra plastvanane sine.
Nesten annakvar nordmann seier at dei fekk auka miljøengasjement av å sjå kvalen. Vidare er det åtte av ti som hugsar kvalen. Åtte av ti er òg villige til å rydde plast i strandsona.
– Det har vore fantastisk å sjå korleis folk har vorte inspirert til å rydde strender, og å sjå politikarar snakke om plast. Kvalen fekk også forskarar til å ville sjå nærmare på plastforsøpling, seier zoolog Terje Lislevand ved Universitetsmuseet i Bergen til NRK.
Les meir om plast og miljø her:
- Denne saka frå NUPI Skole gjev svar på dei fleste spørsmål om plast i havet – kva plast er, kvar den kjem frå, kvifor det er eit problem og kva som vert gjort.
- Kan sopp og bakteriar løysa plastproblemet? Forskarar vil bruke eit soppenzym til å bryte ned plast.
- I Indonesia vil entreprenørar byte ut plast, og heller utvikla emballasje av tare!
- Sjå dei flotte fuglane Maria (23) lagar av plasten ho finn i fjæra: – Det er utruleg trist at det er så mykje
