Kvar femte student i Noreg vil ikkje ha barn, ifølgje ei undersøking. Delen som ønsker barn blant studentar, er lågare enn i andre grupper, seier forskar.
NPK-NTB
NPK-NTB

Dei siste ti åra har fruktbarheitstala i Noreg gått nedover, og undersøkinga som Sentio har gjort på vegner av Norsk studentorganisasjon (NSO) og Universitas , kan kanskje tyde på at trenden ikkje vil snu med det første, skriv studentavisa.

Lågare enn i andre grupper

Undersøkinga viser at 57 prosent av norske studentar ønsker seg barn, medan 19 prosent ikkje vil ha barn.

Kristin Engh Førde, antropolog og postdoktor i kjønnsforsking ved Universitetet i Oslo (UiO), seier til studentavisa at delen som ønsker barn blant studentar, er lågare enn i undersøkingar gjort i andre befolkningsgrupper.

Førde viser til ein rapport frå Institutt for samfunnsforskning der 86 prosent av respondentane gir opp at dei vil ha barn.

6 prosent har allereie barn

I Sentio-undersøkinga kjem det òg fram at 6 prosent av studentane allereie har barn. 17 prosent seier dei er usikre på om dei vil ha barn. Ti prosent fleire kvinner enn menn ynskjer å få barn.

1.009 personar deltok i undersøkinga knytt til studiestadar over heile landet.

Undersøkinga har ein feilmargin på 1,9 prosentpoeng.

18 år gamle Emma Lim lanserte denne veka kampanjen #NoFutureNoChildren. Foto: Climate Strike Canada
Oppdatert: torsdag 23. januar 2020 12.42
ANNONSE