Jon (24) fekk jobb før han var ferdig utdanna. Her er hans jobbsøkjartips
Ver deg sjølv, ikkje overtenk situasjonen og vis engasjement er råda frå Jon Haugvaldstad Vik.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Spiss søknaden i forhold til kva som står i stillingsutlysninga og prøv å sjå om du kan spegla deg i bedrifta sine verdiar. Det er ganske viktig, for om du ikkje kan spegla deg i det, så vil eg tru at det ikkje er ein arbeidsplass du vil jobba i over tid.
Til våren er Jon Haugvaldstad Vik (24) ferdig utdanna sivilingeniør i bygg- og konstruksjonsteknikk, men allereie no har han fått fast jobb i AF Anlegg.
Studenten frå Randaberg vann først gratis bustad i eitt år gjennom rekrutteringstiltaket AF-kollektivet, der AF Gruppen tilbyr seks ingeniørtalent gratis bustad i eitt år.
Deretter fekk han sommarjobb i bedrifta og har delteke på fagleg innhald i regi av dei, difor var han ikkje i tvil om at han ville søkje jobb der.
Han har følgjande tips til unge jobbsøkjarar:
- Presenter deg sjølv som den du er, ikkje prøv å framstå som noko du ikkje er.
- Vis at du er engasjert i det du søkjer på. Fleire arbeidsgjevarar ser meir på dette med engasjement enn karakterar.
- På intervju: Ikkje overtenk situasjonen
- Ver litt sosial, litt utadvent og kanskje ikkje for høg på seg sjølv.
Rekrutteringssjef i AF Gruppen, Annette Strøn, er nøgd med merksemda AF-kollektivet har fått. Foto: AF Gruppen
Rekrutteringsansvarleg: – Dei etiske verdiane på plass
Rekrutteringsansvarleg i AF Gruppen Annette Strøno var ikkje sjølv med å tilsetja Jon Haugvaldstad Vik, men har lagt merke til han i arbeidet med AF-kollektivet.
– Han er fagleg sterk og har bidrege godt inn i gruppa både fagleg og sosialt. Han er ein lun og fin fyr med sterk integritet. Han er stabil, har dei etiske verdiane på plass og er oppteken av å gjere eit godt stykke arbeid.
Les meir om det uvanlege kollektivet her: – Det kjem berre til å bli meir og meir fight om ingeniørane
Desse seks ingeniørstudentane frå OsloMet vann eitt års gratis husvære i Oslo. F.v: Jonas Guriby Dahl, Siv Fredriksen Kaarstad, Eldbjørg Aaraas Hånde, Cecilie Erland, Jon Haugvaldstad Vik og Ådne Iversen. Foto:
