Haukeland skal behandle psykose med VR-teknologi
Denne artikkelen er eldre enn 1 år gamal. Det betyr at noko av informasjonen kan vere utdatert.
Det skriv NRK.
Ungdom med psykose kan unngå eller misforstå sosiale situasjonar, og mistar ofte trua på at dei taklar å vere saman med andre. For å få bukt med dette skal dei unge pasientane ta på VR-briller og bli tatt med inn i ei kunstig verd der dei møter andre personar.
– Det er terapeuten som spelar rolla som personen pasienten møter. Brillene gjer det mogleg å trene på sosiale situasjonar utan å vere fysisk til stades, seier klinisk barnevernspedagog og spesialist i barn og unges psykiske helse Guri Elise Holgersen til statskanalen.
Planen er at behandlingsopplegget skal vere klart innan november, og bli tatt i bruk i starten av 2020.
- Les også meiningsinnlegget frå Torkel Eikevik: – Etter 27 år med ubehandla ADHD følte eg at eg hadde venta lenge nok
Torkel Eikevik var med i andre sesong av NRK-serien «Jeg mot meg». Foto: NRK
