Stadig fleire elevar går ut av grunnskulen utan grunnskulepoeng

Kunnskaps- og integreringsminister Jan Tore Sanner (H) varslar tiltak for å sikre at fleire fullfører grunnskulen og vidaregåande. Foto: Andrea Nøttveit

Tala, som P4-nyheitene har fått frå Statistisk sentralbyrå, viser at 5,5 prosent av dei rundt 60.000 tiandeklassingane stod utan poeng då skulen var slutt i vår.

Delen har auka frå 2,2 prosent i 2009 til 5,5 prosent i år. 1.914 gutar og 1.505 jenter mangla vurdering i åtte fag eller meir. Høgast del hadde Østfold med 7,2 prosent.

Kunnskapsminister Jan Tore Sanner (H) varslar no tiltak.

– Det klare målet vårt er at alle skal fullføre grunnskulen og vidaregåande, så dette er eit for høgt tal, seier han.

• Les også: Målrørsla er frustrert over at Odda-modellen vert oversett – igjen

Tiltak for innvandrarungdom

Årsaka til det høge talet er, ifølgje Sanner, at fleire flyktningar har komme til Noreg dei siste åra. Derfor set regjeringa no i gang tiltak slik at fleire innvandrarungdommar får grunnskuleopplæring før dei startar på vidaregåande skule.

– Frå neste år løyver vi 25 millionar kroner ekstra til dette, slik at opp mot 3.000 ungdommar får moglegheit til å få grunnskuleutdanning før dei startar på vidaregåande, seier kunnskapsministeren.

• Les også: Elevorganisasjonen etterlyser høgare utstyrsstipend: – Det hastar

Leiar i Elevorganisasjonen, Alida D’Agostino understrekar at det som skjer på nett i høgste grad er ein del av livet til elevane.