Miljøorganisasjonen Spire er skeptisk til miljømerking av mat
Denne artikkelen er eldre enn 1 år gamal. Det betyr at noko av informasjonen kan vere utdatert.
I Noreg jobbar mellom anna Yara med miljømerking av varene dei produserer. Hege Skarrud, leiar i miljøorganisasjonen Spire, seier matmerking kan føre til ei villeiing av kunden.
Derfor er dei skeptiske til at selskapa sjølve skal stå bak ordninga.
– Vi i Spire er veldig bekymra for at selskap med stor så eigeninteresse i ordninga skal forme ho. Det er nemleg mange fallgruver ein kan gå i når det gjeld merkeordningar, og med så store eigeninteresser kan ein ikkje sitje på begge sider av bordet, seier ho.
- Les også: Stadig fleire kjøper økologisk mat
Miljømerking er naudsynt
Leiar for berekraftsprogram i Yara, Ellen Cathrine Rasmussen, seier dei ikkje har tenkt å forme ut merkeordninga på eiga hand.
– For å sikre at forbrukarane har tillit til at varene dei kjøper har eit lågare karbonavtrykk, vil ei form for miljømerking vere naudsynt. Vi vil vere heilt avhengige av å ha andre aktørar med på laget, inkludert styresmakter og forskarar, seier ho.
Solvor Stølevik er klima- og miljørådgivar i Kristiansand kommune, og har ansvar for matsvinn-prosjektet til kommunen. Foto: Ragna Marie Henden
