Gjøvik Frp vil ha nettvurdering på lærarar
Denne artikkelen er eldre enn 1 år gamal. Det betyr at noko av informasjonen kan vere utdatert.
Det er lokalval 9.september, og valkampen er godt i gang.
I Gjøvik har Framstegspartiet lagt fram sitt partiprogram for 2019 til 2023, der det mellom anna står: «det skal være mulig å finne ut på nett hvilken skole som gjør det best i de enkelte fag basert på snittkarakterer, hvilken standard byggene har, utdannelsesnivået til lærerne, hvilke fasiliteter som er på skolen og liknende».
Saka vart først omtala i Oppland arbeiderblad.
Viktig kunnskap
Førstekandidat i Gjøvik Frp, Øystein Andreassen. Foto: privat.
Dei vil også innføra ei kartlegging av kvaliteten på lærarane, basert på karakterar på eksamen for elevane til læraren. «Karakteren står som en kvalitetsinformasjon for denne læreren», står det i programmet.
– Framstegspartiet vil alltid kjempa for elevane og foreldrene sin rett til å velga det dei meiner er best for seg og sine, seier førstekandidat Øystein Andreassen til Oppland arbeiderblad.
Han meiner at det er viktig å ha denne kunnskapen tilgjengeleg, for at elevar og foreldra skal kunne gjera desse vala.
- Les også: Kaia (14) måtte ha tolk for å forstå læraren
Norsk teiknspråk er språket som Kaia Borrebæk brukar når ho skal snakke med folk, utan tolk går kommunikasjonen lettare.
