Klimaaktivisten Greta Thunberg og protestrørsla til skuleelevane er tildelt Amnestys samvitspris for kampen for menneskerettar.
NPK-NTB
NPK-NTB

Prisen heiter på engelsk «Ambassador of Conscience» og blir delt ut éin gong i året.

Fredag kunngjorde Amnesty International at den svenske tenåringen Greta Thunberg og protestrørsla til skuleelevane er tildelt prisen for å ha stått opp for menneskerettane.

Menneskerettar + klimakrise

Den svenske 16-åringen synest det er ei stor ære å få prisen.

– Menneskerettane og klimakrisa går hand i hand. Vi kan ikkje løyse det eine utan å løyse det andre, seier Thunberg i pressemeldinga frå Amnesty International.

Prisvinnaren delte også denne Facebook-videoen, der ho løftar fram skuestreikande born verda over:

Ung og modig leiar

I tildelinga blir det vist til prisvinnaranes «unike leiarskap og mot».

Skuleelevar over heile verda starta protestrørsla etter at Thunberg sette seg ned framfor den svenske nasjonalforsamlinga kvar fredag i staden for å gå på skulen for å få merksemd om den manglande innsatsen til politikarane for å få klimaendringane under kontroll.

– Dette er ikkje prisen min, det er alle sin pris. Det er fantastisk å sjå heideren vi får og vite at vi kjempar for noko som betyr noko, seier Thunberg.

Det er ikkje sett nokon dato for prisutdelinga enno.

  • Les også: Game of Thrones-skodespelar hyllar Greta Thunberg
  • Britiske Bella Ramsey (16) som har vorte verdskjent for si tolking av rollefiguren Lyanna Mormont i «Game of Thrones» støttar Greta Thunberg sin skulestreik for klimaet. Foto: HBO
Oppdatert: tysdag 11. juni 2019 08.43

LES OGSÅ

Kommentarar

ANNONSE