Nynorsk pressekontor får pengar til nynorskrobot
Nynorsk pressekontor får 800.000 kroner ekstra for å utvikle ein robot som kan omsetje tekstar frå bokmål til nynorsk.
![](https://framtida.no/wp-content/uploads/2023/11/NPK-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
– Det hadde vore eit kjempeløft for nynorsk i media om dette fungerer. Det vil gjere nynorsk meir tilgjengeleg og synleg i media, og det er det vi jobbar for kvar dag, sa Karoline Riise Kristiansen, redaktør i Nynorsk pressekontor til Framtida.no tidlegare i år.
Nynorsk pressekontor (NPK) får 800.000 kroner i ekstratilskot frå Kulturdepartementet for å utvikla ein robot som kan omsetje tekstar frå bokmål til nynorsk.
Pengane kjem på toppen av det årlege driftstilskotet frå staten på om lag 6 millionar kroner.
– For å sikre nynorsk som mediespråk, er det avgjerande at den teknologiske utviklinga i bransjen også kjem det nynorske språket til gode, seier kulturminister Trine Skei Grande (V) i ei pressemelding.
Målet er at nynorskroboten skal bidra til auka likestilling mellom nynorsk og bokmål.
NPK er ei eiga stifting med seks årsverk som samarbeider tett med NTB.