Studie viser 99,94 prosent semje om klimaendringar
Ein generell trend i media har vore å hevde at det er 97 prosent semje blant forskarar om at klimaendringane er reelle. Nyare forsking viser at semja er endå større.
Denne artikkelen er eldre enn 1 år gamal. Det betyr at noko av informasjonen kan vere utdatert.
Medan detaljane om korleis det skjer, framleis er eit område med omfattande forsking, er det i dag stor semje blant forskarar om at det faktisk skjer, og at det er eit menneskeskapt problem, skriv zmescience.com.
For å skildre dette, bruker media ofte uttrykket «97 prosent konsensus», sannsynlegvis frå ei 2014-studie av Cook (med fleire). I undersøkinga analyserte Cook 11 944 fagfellevurderte studiar publisert mellom 1991-2011.
Av dei viste om lag ein tredjedel (4013) ei haldning om menneskeskapte klimaendringar, og 3 894 (eller 97 prosent) støtta haldninga om at klimaendringane er menneskeskapte. Forfattarane fann òg at nyare studiar i aukande grad tilskreiv klimaendringar til menneska, noko som indikerer eit aukande akseptnivå.
- Les også: Unge Høgre seier nei til oljeboring
Grafikk: John Cook
Men i 2017 publiserte James Powell ei endå større meta-analyse av 54195 fagfellevurderte studiar, og fann 99,94 prosent konsensus om menneskeskapte klimaendringar. Igjen, nyare studiar verkar å støtte idèen i endå større grad.
Alt i alt er ei auke frå 97 prosent til 99,94 prosent sannsynlegvis ikkje noko som vil overtyde dei som ikkje allereie er det. Den offentlige oppfatninga er å sakte følge vitskapen. Og akkurat som tobakksfirmaa i si tid visste om skadane som røyking kan gjere, har oljeselskapa vore oppmerksame på klimaendringar i fleire tiår, men fortset å finansiere fornektarar og media som støttar opp om fossile brensel.
Den viktige lærdommen er at uansett om vi liker det eller ikkje, er forskarane einige: klimaendringar skjer, og dei skjer på grunn av oss.
- Les også: Høgsterett avviser klimaanken
