Tuva Krogh Widskjold: Glad for ny utviklingsminister
Tuva Krogh Widskjold og Changemaker er nøgde med ny utviklingsminister.
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Glad for ny utviklingsminister
Tuva Krogh Widskjold er svært nøgde med den nye utviklingsministeren, seier ho i ein kommentar til Framtida.
– Dette er ein stor dag, vi treng ein minister som ser lengre enn å sikre interessane til Noreg. Astrup må sikre samstemmigheit og ta tak i utfordringane som må løysast på tvers av departementa, jublar ho.
- LES OGSÅ: Vil ikkje redusere fattigdomen i verda
![Tuva Krogh Widskjold](https://framtida.no/wp-content/uploads/2017/04/tuva12333-300x189.jpg)
Tuva Krogh Widskjold er leiar i Changemaker. Foto: Changemaker
– Ei av de viktigaste oppgåvene for Astrup vil vere å gjere noko med eit utdatert skattesystem for å kjempe mot kapitalflukt og skatteunndraging. Pengar som kunne ha vore brukt til helse, utdanning og utvikling endar i dag opp i skatteparadis.
Ho meiner at vi kan vere med på eit historisk løft mot fattigdom og ulikskap om vi endrar denne trenden.
– Det er viktig at Astrup sikrar at ikkje norsk bistand vert byta for returavtaler av norske asylsøkjarar. Utviklingspolitikk handlar om å setje interessene til utviklingsland først, noko verda treng valdsamt. Noreg har ein sjanse til å ta leiinga i eit internasjonalt løft for utvikling, avsluttar Widskjold.