Medan sysselsettinga aukar i så godt som alle andre land, er det berre eitt land i Europa som har dårlegare utvikling enn Noreg. Virke slår alarm om stopp i jobbveksten.

NPK
NPK

– Tala viser tydeleg at Norge sin posisjon på sysselsettingstoppen er trua, seier administrerande direktør Vibeke Hammer Madsen i Virke til Klassekampen.

Folketalet i Noreg veks med rundt 50.000 personar i året, men sysselsettinga har dei siste åra berre vakse med eit par tusen i året, og i 2016 går det mot ein nedgang i talet på personar i jobb, formidla Virke på konjunkturseminaret til arbeidsgivarorganisasjonen måndag. Berre Luxembourg har ei dårlegare utvikling. Også Finland og Belgia er land med negativ sysselsettingsrate.

LOs sjeføkonom Stein Reegård seier Noreg tradisjonelt har lege høgt i sysselsetting, og at ein derfor ikkje må legge for mykje vekt på eitt enkelt år.

– Økonomien vår er prega av oljenedturen, medan andre land har meir å ta igjen, seier han til avisa. (©NPK)

LES OGSÅ: Kraftig fall i sysselsettinga blant unge

Oppdatert: onsdag 24. mai 2017 16.12

LES OGSÅ

ANNONSE