Nordmenn har kryptovaluta verdt fem milliardar
I fjor rapporterte nordmenn inn kryptovaluta til ein verdi av fem milliardar kroner, og skatteetaten meiner talet i verkelegheita er langt større.
Denne artikkelen er eldre enn 1 år gamal. Det betyr at noko av informasjonen kan vere utdatert.
Ifølgje dei ferske tala, som Dagens Næringsliv har fått tilgang til, rapporterte omkring 8.000 nordmenn inn formue og gevinstar dei skaffa seg gjennom å investere i digitale valutaer i fjor.
Samtidig mistenkjer skatteetaten at minst 30.000 nordmenn har ein kryptoformue, altså at skattesvika er store.
Feilrapportering av inntekt
– Vi får stadig betre moglegheit til å følgje med på kven som har inntekter og formue på dette området. Blant dei 8.000 som rapporterer, er det nok ein del som ikkje har rapportert heilt rett.
– Det behøver ikkje vere bevisst, men det betyr at ein har rapportert formue i krypto, mens ein del skulle vore rapportert som inntekter, seier skattedirektør Hans Christian Holte til DN.
Les også: Difor betaler «ingen» i India skatt
Kryptovaluta for meir enn fem milliardar
Skattedirektøren understrekar at 30.000 er eit førebels tal som truleg vil auke. Dermed er det også naturleg å anta at nordmenn i verkelegheita har kryptovaluta for betydeleg meir enn fem milliardar kroner.
– Då eg såg beløpene, vart det klart for meg at dette er eit område som har betyding for skatteprovenyet i Noreg, seier Holte til avisa.
Skatteproveny er nemninga for all skatt og avgift som blir betalt inn til staten frå privatpersonar og selskap.
Les også: Fritt fram for Apple Pay i Noreg?
