Nyheitsquiz: Pendlarskandale, Bieber og fotballkamp
– hugsar du kva som skjedde?
Kor oppdatert er du på det som har prega nyheitsbiletet den siste veka?
Denne artikkelen er eldre enn 1 år gamal. Det betyr at noko av informasjonen kan vere utdatert.
Quiz: Nyheitsquiz veke 46
- Spørsmål 1 av 12
1.
Justin Bieber skal på Europa-turné neste år. Kva for ein av desse byane må du reise til for å få med deg konserten hans?
Beliebe it or not – Bieber kjem til Trondheim neste år! Han skal spele konsert på Leangen Travbane 7. august. Baby-songaren skal berre opptre i fire europeiske byar i denne omgangen, og i tillegg til bartebyen, vil han stå på scena i Malmø, Skanderborg og Helsingfors.
Feil!
Beliebe it or not – Bieber kjem til Trondheim neste år! Han skal spele konsert på Leangen Travbane 7. august. Baby-songaren skal berre opptre i fire europeiske byar i denne omgangen, og i tillegg til bartebyen, vil han stå på scena i Malmø, Skanderborg og Helsingfors.
- Spørsmål 2 av 12
2.
Noreg møtte Nederland i ein skjebnesvanger fotball-VM-kvalifiseringskamp. Korleis gjekk det?
Det gjekk ikkje denne gongen heller. VM i Qatar går utan det norske fotballandslaget etter at håpet blei knust ein gong for alle etter at Nederland slo Noreg 2-0 i Rotterdam tysdag. Dimed blei det verken direkteplass eller playoff for dei raude, kvite og blå.
«Vi ække med» i Qatar… (for dei som tar referansen)
Bom!
Du unngjekk kanskje å sjå kampen? Du fekk i alle fall ikkje med deg resultatet.
Det gjekk nemleg ikkje denne gongen heller. VM i Qatar går utan det norske fotballandslaget etter at håpet blei knust ein gong for alle etter at Nederland slo Noreg 2-0 i Rotterdam tysdag. Dimed blei det verken direkteplass eller playoff for dei raude, kvite og blå.
«Vi ække med» i Qatar… (for dei som tar referansen)
- Spørsmål 3 av 12
3.
Kor mange år er det sidan den første Harry Potter-filmen kom?
Riktig!
Tru det eller ei – men i år er det 20 år sidan «Harry Potter og de vises stein» til stor begeistring vart vist på det store kinolerretet rundt om i verda.
Framtida.no markerte det med å ta ein titt på 20 magiske fakta frå filmane!
Niks!
Tru det eller ei – men i år er det 20 år sidan «Harry Potter og de vises stein» til stor begeistring vart vist på det store kinolerretet rundt om i verda.
Framtida.no markerte det med å ta ein titt på 20 magiske fakta frå filmane!
- Spørsmål 4 av 12
4.
Stortingspresidenten trekte seg denne veka etter enda ein pendlarbustad-skandale blei rulla opp. Kven var stortingspresident?
Det stemmer! Eva Kristin Hansen (Ap) blei stortingspresident då Støre-regjeringa trådde til.
Hansen beklaga først, og enda torsdag med å trekke seg etter at det kom fram at også ho er involvert i ei pendlarbustadsak.
Ap-politikaren var folkeregistrert i Trondheim (ho leigde hybel hos Trond Giske) og fekk pendlarbustad i Oslo, samstundes som ho budde i Ski saman med ektemannen. Bustaden i Ski blei kjøpt i 2014, og Hansen endra ikkje adresse, men beheldt pendlarbustaden. Huset i Ski var under 40 km unna Stortinget, og ho hadde difor ikkje rett på pendlarbustad.
Feil!
Eva Kristin Hansen (Ap) blei stortingspresident då Støre-regjeringa trådde til.
Hansen beklaga først, og enda torsdag med å trekke seg etter at det kom fram at også ho er involvert i ei pendlarbustadsak.
Ap-politikaren var folkeregistrert i Trondheim (ho leigde hybel hos Trond Giske) og fekk pendlarbustad i Oslo, samstundes som ho budde i Ski saman med ektemannen. Bustaden i Ski blei kjøpt i 2014, og Hansen endra ikkje adresse, men beheldt pendlarbustaden. Huset i Ski var under 40 km unna Stortinget, og ho hadde difor ikkje rett på pendlarbustad.
- Spørsmål 5 av 12
5.
Forfattar Jon Fosse bur i Statens æresbustad «Grotten», der staten betalar for nye møblar og reparasjonar. Ein gong ba han dei om å kjøpe ei spesiell seng, utan å vite prisen. Kva var prisen på senga?
Utruleg, men sant!
Dette må vere ei seng for prinsessa på erta, for ho kosta heile 612.490 kroner!
Men forfattaren av Septologien understrekar at han ikkje hadde blitt stormannsgal då han ønska seg senga. Han hadde rett og slett ikkje sett på prislappen.
– Då eg på eit seinare møte fekk vita prisen, trudde eg ikkje mine eigne øyre, og det var sjølvsagt heilt uaktuelt at den senga skulle kjøpast, skriv Fosse til VG.
Det er ikkje rart du svarte feil, for senga har den utrulege prisen 612.490 kroner!
Men forfattaren av Septologien understrekar at han ikkje hadde blitt stormannsgal då han ønska seg senga. Han hadde rett og slett ikkje sett på prislappen.
– Då eg på eit seinare møte fekk vita prisen, trudde eg ikkje mine eigne øyre, og det var sjølvsagt heilt uaktuelt at den senga skulle kjøpast, skriv Fosse til VG.
- Spørsmål 6 av 12
6.
Kven blir ny trenar for Sogndal?
Stao no pao! Legenda Tore André Flo vender heim til Sogn og Fjordane, og tek over roret i Sogndal Fotball etter Eirik Bakke.
Han kjem frå jobben som talentutviklar i Chelsea, der han sjølv spelte i glansdagane sine. Flo har spelt for Sogndal sjølv, både heilt i starten og heilt mot slutten av spelarkarrieren sin.
Han tar over som trenar ved starten av 2022.
Då er det berre å mose dei til sylte og presse dei til saft då, Tore!
PS! Høyrer Ole Gunnar Solskjær er ledig for oppdrag, kanskje han kan vere assistenttrenar?
No blei du most til sylte og pressa til saft, for dette var heilt feil!
Legenda Tore André Flo vender heim til Sogn og Fjordane, og tek over roret i Sogndal Fotball etter Eirik Bakke.
Han kjem frå jobben som talentutviklar i Chelsea, der han sjølv spelte i glansdagane sine. Flo har spelt for Sogndal sjølv, både heilt i starten og heilt mot slutten av spelarkarrieren sin.
Han tar over som trenar ved starten av 2022. Stao no pao!
PS! Høyrer Ole Gunnar Solskjær er ledig for oppdrag, kanskje han kan vere assistenttrenar?
- Spørsmål 7 av 12
7.
Kva får prinsesse Ingrid Alexandra i 18-årsgåve av Forsvaret?
Kanonsvar!
Når prinsesse Ingrid Alexandra fyller 18 år i januar, køyrer Forsvaret på med salutt frå alle saluttstasjonane i landet.
«Forsvarssjefen har besluttet at Forsvaret skal avgi salutt fra alle saluttstasjoner kl. 12.00, 21 skudd, som Forsvarets gave til prinsessen på myndighetsdagen», melder Forsvarets Forum.
Det er bursdagsgåva si det!
(Men spørs om ho hadde likt å vere med i Kompani enda betre.)
Dette var eit skot i blinde!
Når prinsesse Ingrid Alexandra fyller 18 år i januar, køyrer Forsvaret på med salutt frå alle saluttstasjonane i landet.
«Forsvarssjefen har besluttet at Forsvaret skal avgi salutt fra alle saluttstasjoner kl. 12.00, 21 skudd, som Forsvarets gave til prinsessen på myndighetsdagen», melder Forsvarets Forum.
Det er bursdagsgåva si det!
(Men spørs om ho hadde likt å vere med i Kompani enda betre.)
- Spørsmål 8 av 12
8.
Kven har den franske fotballstjerna Kylian Mbappé blitt gudfar for?
Stemmer!
Mbappé har blitt gudfar for den megasøte pandababyen Yuandudu, skriv Le Parisien! Det er ein av dei to pandatvillingane som blei fødde i dyreparken Beauval 2. august.
Kinesiske Zhang Jiaqi, som har vunne OL-gull i stuping, er gudmor for den andre pandatvillingen, Huanlili.
Mbappé sa at det var ein stor augenblink for han, og at han er heldig som får vere gudfar for «eit av desse undera». Han minte òg om kor viktig det er å ta vare på rasen. I dag er det berre 1800 pandaer att i verda, ifølgje avisa.
Under ein namneseremoni torsdag avslørte PSG-stjerna namnet på Yandudu, som folket har stemt fram. Yandudu og Huanlili har fått namna sine etter foreldra Yuan Zi et Huan Huan. Dei kom til Frankrike på lån frå Kina i 2012.
Dyrparken skriv at det står bra til med pandbabyane. Dei er blitt 6 kilo og over 50 cm no, men skal visst bli rundt 100 kg som vaksne!
Aiaiai!
Mbappé har blitt gudfar for den megasøte pandababyen Yuandudu, skriv Le Parisien! Det er ein av dei to pandatvillingane som blei fødde i dyreparken Beauval 2. august.
Kinesiske Zhang Jiaqi, som har vunne OL-gull i stuping, er gudmor for den andre pandatvillingen, Huanlili.
Mbappé sa at det var ein stor augenblink for han, og at han er heldig som får vere gudfar for «eit av desse undera». Han minte òg om kor viktig det er å ta vare på rasen. I dag er det berre 1800 pandaer att i verda, ifølgje avisa.
Under ein namneseremoni torsdag avslørte PSG-stjerna namnet på Yandudu, som folket har stemt fram. Yandudu og Huanlili har fått namna sine etter foreldra Yuan Zi et Huan Huan. Dei kom til Frankrike på lån frå Kina i 2012.
Dyrparken skriv at det står bra til med pandbabyane. Dei er blitt 6 kilo og over 50 cm no, men skal visst bli rundt 100 kg som vaksne!
- Spørsmål 9 av 12
9.
Kapital har kåra Noregs mektigaste kvinne. Kven gjekk av med tittelen?
Riktig!
Ap-nestleiar og statsråd Hadia Tajik toppar finansbladet Kapital si liste over Noregs mektigaste kvinner. Ho er den første med innvandrarbakgrunn som toppar lista.
FHI-direktør Camilla Stoltenberg er på femteplass, medan Erna Solberg (H), som har trona øvst på lista frå 2013 til i fjor, no er nede på ein sjuandeplass.
Feil!
Ap-nestleiar og statsråd Hadia Tajik toppar finansbladet Kapital si liste over Noregs mektigaste kvinner. Ho er den første med innvandrarbakgrunn som toppar lista.
FHI-direktør Camilla Stoltenberg er på femteplass, medan Erna Solberg (H), som har trona øvst på lista frå 2013 til i fjor, no er nede på ein sjuandeplass.
- Spørsmål 10 av 12
10.
Kva heiter den nye serien der Linnea Myhre har samla eit knippe bloggarar?
Riktig!
Da vi styrte internett er ein slags Hver gang vi møtes for bloggarar. Med seg i VGTV-serien, som er spelt inn på Baroniet Rosendal, har Myhre fått med Anna Rasmussen (Mamma til Michelle), Julianne Nygård (Pilotfrue), Kristin Gjelsvik (Styleconnection), Trine Grung og Stina Bakken (Stinablogg).
Neida!
Da vi styrte internett er ein slags Hver gang vi møtes for bloggarar. Med seg i VGTV-serien, som er spelt inn på Baroniet Rosendal, har Myhre fått med Anna Rasmussen (Mamma til Michelle), Julianne Nygård (Pilotfrue), Kristin Gjelsvik (Styleconnection), Trine Grung og Stina Bakken (Stinablogg).
- Spørsmål 11 av 12
11.
Kva land planlegg å innføre vaksineplik?
Dette visste du!
Austerrike stenger ned i ti dagar frå måndag av. I tillegg planlegg styresmaktene å innføre eit generelt vaksinekrav innan 1. februar. Det informerte dei om på ein pressekonferanse fredag.
Austerrike er det første landet i Europa som krev at innbyggjarane må vere vaksinerte. Lova vil opne for å bøteleggje og straffe personar som nektar å vaksinere seg.
Feil!
Austerrike stenger ned i ti dagar frå måndag av. I tillegg planlegg styresmaktene å innføre eit generelt vaksinekrav innan 1. februar. Det informerte dei om på ein pressekonferanse fredag.
Austerrike er det første landet i Europa som krev at innbyggjarane må vere vaksinerte. Lova vil opne for å bøteleggje og straffe personar som nektar å vaksinere seg.
- Spørsmål 12 av 12
12.
Kva ord var det Dronning Sonja sleit med då ho skulle tale under eit arrangement fredag?
Stemmer!
Ho hadde nok ikkje følt det var passande for ei dronning å uttale dei andre heller, men ordet, eller forkortinga, ho skulle seie var K.U.K. Det er forkortinga på den nye arenaen for ung kunst i Trondheim.
– Mellom desse monumentalbygga har vi altså fått eit heilt nytt kunsthus her i Trondheim – Kjøpmannsgata Ung Kunst, eller K punktum U punktum K som det vil heite i daglegtale.
– Du har verkeleg ikkje gjort det heilt enkelt for ei gamal dame, sa dronninga, ifølgje VG.
Kjenner vi dronninga rett uttala ho dette med eit glimt i auget.
Feil!
Ho hadde nok ikkje følt det var passande for ei dronning å uttale dei andre heller, men ordet, eller forkortinga, ho skulle seie var K.U.K. Det er forkortinga på den nye arenaen for ung kunst i Trondheim.
– Mellom desse monumentalbygga har vi altså fått eit heilt nytt kunsthus her i Trondheim – Kjøpmannsgata Ung Kunst, eller K punktum U punktum K som det vil heite i daglegtale.
– Du har verkeleg ikkje gjort det heilt enkelt for ei gamal dame, sa dronninga, ifølgje VG.
Kjenner vi dronninga rett uttala ho dette med eit glimt i auget.
Resultat:
Vurdering:
Du har vel ikkje gått glipp av desse sakene som kom tidlegare i veka?
- Nytt lovforslag vil stille enkeltpersonar til ansvar for miljømord
- Meining: «At menn styrer verda er eit faktum»
- Harry Potter-filmen er 20 år – her er 20 fakta du kanskje ikkje visste
Alle illustrasjonar: Linn Isabel Eielsen
