Studie: Isbrear smeltar mykje fortare enn tidlegare anslått
Isbrear verda rundt smeltar mykje fortare enn det forskarar tidlegare har rekna med, viser ein fersk rapport.
Denne artikkelen er eldre enn 1 år gamal. Det betyr at noko av informasjonen kan vere utdatert.
Den meste omfattande målinga av isbrear globalt har avdekt at tusenvis av isbrear krympar 18 prosent fortare enn eit internasjonalt panel anslo i 2013.
Rundt 369 milliardar tonn med snø og is går tapt frå isbreane årleg, slår rapporten fast. Han er publisert i det vitskaplege tidsskriftet Nature.
Les også: NASA har oppdaga gigantisk holrom i ein av verdas viktigaste isbrear
– Heilt tydelege klimaendringar
– På 30 år har nesten alle område byrja å miste masse rundt same tid. Det er heilt tydelege klimaendringar, seier rapportforfattar Michael Zemp, som òg leier World Glacier Monitoring Service ved University of Zürich,
Isbreane krympar fortare i mellom anna Sentral-Europa, Kaukasus-området, vestlege Canada og store delar av USA. I desse områda går over 1 prosent av massen tapt kvart år.
– I desse områda, gitt delen masse som går tapt årleg, vil ikkje isbreane overleve dette hundreåret, seier Zemp.
Les også reportasjen: – Svalbard er ein varsellampe for kva som kan komme til å skje
Adventfjorden på Svalbard frys ikkje lenger til om vinteren. Foto: Bente Kjøllesdal
