Halvparten av studieplassane står tomme på fleire lærarutdanningar
Lærarutdanningane i Noreg opplever eit kritisk fall i søkjartalet, og halvparten av studieplassane står tomme ved fleire lærestader.
Tal frå i vår viste at dette er femte året på rad med fallande søkjartal til lærarutdanningane. Fråfallet blant studentar som byrjar på utdanninga er også høgt, skriv Utdanningsnytt. Tal frå SSB viser at berre mellom 67 prosent og 82 prosent av dei som startar på dei ulike lærarutdanningane, fullfører.
Lærarutdanningar tomme
Ved Universitetet i Tromsø står 47 prosent av plassane tomme, medan Høgskulen i Volda har 56 prosent ledige plassar. Universitetet i Stavanger har den høgaste andelen, med berre 50 studentar på 162 studieplassar, noko som gir ei arbeidsløyse på heile 69 prosent.
– Det er svært urovekkjande både for oss som institusjon, men også for heile landet som vil få for lite pedagogar i framtida, seier Silje Ims Lied, dekan ved Høgskulen i Volda.
Ho fortel at dei jobbar med tematikken både lokalt, regionalt og nasjonalt.
– Vi jobbar også inn mot politikarane for å få på plass betre lønn og arbeidsvilkår i barnehage og skule. I starten av november skal avdelinga ha eit seminar og prøve å finne tiltak for å snu denne trenden, seier ho.
