Folket har røysta – desse dialektene skal Donald snakke
Fredrikstad-dialekt vart soleklar vinnar då lesarane skulle røyste over kva dialekt Donald og venene hans skal snakke i spesialutgåver av bladet i 2024.
Over 9 000 røyster vart talde då Donald Duck Co. skulle ta avgjerda om kva for dialekter karakterane i Andeby skal få bryne seg på i løpet av 2024.
75-års jubileum
Det er i år 75 år sidan den første norske utgåva av Donald-bladet vart publisert, og utgivar Egmont skal markere jubiléet ved å gi Donald-figurane ulike norske dialekter i ein serie spesialutgåver av bladet gjennom året.
Etter innspel frå lesarane valde Egmont ut 12 dialekt-kandidatar, og no er fire vinnarar valde ut:
• Fredrikstad-dialekt (over 3 200 røyster)
• Vinjemål (over 2 700 røyster)
• Hedmarking (over 1 000 røyster)
• Gudbrandsdøl (over 600 røyster).
Se dette innlegget på Instagram
Donald på sørlandsk
Donald har allereie starta dialekt-eventyret sitt. I tillegg til dei nemnde dialektene som publikum har røysta på, har bladet på førehand bestemt at Donald-historier skal omsettast til bergensk, nordsamisk, sørlandsk og trøndersk. Den første historia, der endene fekk bryne seg på sørlandsdialekt, vart trykt i februar. Det var youtubar Christopher Robin Omdahl frå Mandal som omsette historia.
Se dette innlegget på Instagram
Teikneserieskapar og illustratør Martin Ernstsen (36) trivst godt, men er ikkje sikker på om han vågar å anbefala yrket til andre. Foto: Esra Duzen
