Regjeringa vil oppheve brukthandellov
Brukthandellova hindrar næringslivet i å satse på gjenbruk. No ønskjer regjeringa å fjerne ho.
![](https://framtida.no/wp-content/uploads/2023/11/NPK-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Reglane for brukthandel i dag stiller ei rekkje krav til butikkar som sel brukt, medan digitale tenester som FINN og Facebook ikkje er omfatta av det same regelverket.
No foreslår regjeringa å oppheve regelverket, skriv Nærings- og fiskeridepartementet i ei pressemelding.
Regjeringa har sendt inn eit høyringsforslag om å avvikle brukthandellova.
I dag må til dømes både butikken og seljarane godkjennast av politiet, alle varer som kjem inn må loggførast i ein fysisk protokoll og varene må oppbevarast i to veker før dei kan seljast vidare.
– Pliktene som næringslivet blir pålagde, gjer det vanskelegare å selje gammalt enn det er å selje nytt. Det er lite berekraftig. Regjeringa ønskjer å stimulere til auka gjenbruk og meir sirkulær økonomi, seier næringsminister Jan Christian Vestre.