Tre veker før elevar ved norske vidaregåande skular skal trekkast opp i eksamen, vart trekket tilgjengeleg for enkelte i datasystemet.
Andrea Rygg Nøttveit

Ein datafeil hjå Visma InSchool (VIS) førte til at fleire elevar har sett kva munnleg eksamen dei er trekt ut til å koma opp i, melder VG.

Feilen vart oppdaga hjå Aust-Lofoten vidaregåande skule, som varsla Nordland fylkeskommune.

Ifølgje Visma vart feilen oppdaga torsdag kveld og nettsida stengt klokka 19.30. Dei har funne at 86 elevar ved 27 vidaregåande skular i åtte fylke kan ha sett kva eksamen dei er trekt opp i.

Eksamenstrekket var tilgjengeleg for elevar i Møre og Romsdal, Vestfold og Telemark, Troms og Finnmark, Vestland, Rogaland, Innlandet, Nordland og Viken.

Siste eksamensdato i år er 21. juni. Elevane skal ikkje få tilgang til eksamenstrekket sitt før 48 timar før dei skal opp. Om det er helg eller heilagdagar i mellomtida vert dei ikkje telt med i dei to førebuingsdagane.


Stort rom med pultar og stolar på rekke og rad
Illustrasjonsfoto: Akshay ChauhanUnsplash
Oppdatert: fredag 26. mai 2023 16.03

LES OGSÅ

ANNONSE