Marvels første muslimske superhelt er her

– Eg håpar dette opnar dørene for meir mangfald i superheltindustrien, seier ho til TT.

Iman Vellanis barndom var sterkt prega av Marvel, og favoritten var Iron Man. Då den pakistansk-canadiske tenåringen byrja på vidaregåande skule, var ho friminutta i ein nærliggjande teikneseriebutikk, og det var der ho oppdaga teikneseriefiguren Kamala Khan / Ms. Marvel.

– Herregud, kven er denne kule personen, tenkte eg. Eg vart veldig oppteken av henne og kledde meg til og med ut som henne på cosplay-treff, fortel skodespelaren.

Ho var eigentlig opptatt av å jobbe bak kamera då rolla som Ms. Marvel dukka opp. Men Iman Vellani klagar ikkje over muligheita ho har fått. Foto: AP

• Les også: Sex Education-stjerne blir den neste Doktoren

Klager ikkje

Samtidig som ho oppdaga Ms. Marvel, starta den no 19 år gamle skodespelaren med teater. Her kjende ho seg likevel ikkje heilt på heimebane, og ho byrja i staden å interessere seg for den tekniske biten av filmproduksjon.

– Eg ville sjå kva eg kunne bidra med der, og på den måten gjere meg kjend med heile prosessen med å lage film. Men så kom altså Ms. Marvel som lyn frå klar himmel. Det fungerer ganske bra, så eg klagar ikkje, ler ho.

Første gong Kamala Khan dukka opp i ein teikneserie, viste kalenderen 2013. Eit år seinare fekk ho sitt eige blad. I Disneys TV-serie-adapsjon er Kamala Khan ein 16-årig amerikanar med pakistanske røter, som er besette av Avengers. Livet hennar tek nye vendingar når ho oppdagar eigne superkrefter, samtidig som ho byrjar å interessere seg for røtene sine. Iman Vellani kan kjenne seg igjen i denne reisa.

– Eg kjende meg fråkopla min eigen kultur då eg voks opp i Canada, det var ein del av meg som ikkje aksepterte at eg var pakistansk – og muslim, seier ho.

Innstillinga til Iman Vellani endra seg under innspelinga, der ho trefte mange folk med asiatiske og- eller muslimske bakgrunnar.

– Både eg og Kamala fekk høve til å knyte oss til røtene, seier ho.

Iman Vellani spelar superhelten Ms. Marvel. Her er ho på den raude løperen før Los Angeles-premieren. Foto: AP

• Les også: Top Gun: Hollywood slår tilbake mot mogeleg kinesisk sensur

Stolt av røtene

Skodespelaren kan også samanlikne familien til rollefiguren med sin eigen, ho finn fleire likskapar, seier ho.

– Mora og far min er også ganske oververnande. På vidaregåande måtte eg spørje fleire veker i førevegen dersom eg ville gå på fest, fortel ho – og refererer til eit liknande scenario i TV-serien.

– Men eg er glad for oppveksten min, og glad eg kan skildre eit barn av innvandrarforeldre på TV – og vise nokon som er stolt av bakgrunnen sin, og ikkje likegyldig til den, seier 19-åringen. Som håpar Ms. Marvel er starten på meir mangfald innanfor superheltuniverset.

– Dette er filmar som blir viste over heile verda, så det er rimeleg å tru at dei også representerer menneske frå heile verda, slår ho fast.

• Les også: Dumme, undertrykkande og terroristar – desse fordommane møter unge muslimar

– Eg hugsar då vi hadde RLE og snakka om islam, så kunne folk kalle meg islam bin laden og sånne ord, og det var alltid slik at eg måtte stå og snakke om islam og forsvare islam i timen, fortel Wala Jibril (22)