ISÁK-vokalist Ella Marie Hætta Isaksen (24) vart for alvor kjent då ho vann Stjernekamp i 2018 og har markert seg som ei tydeleg stemme innanfor miljø og samiske rettar.

• Les også: Ella Marie får pris for å ha synt sivilt mot i kamp mot urettferd

Marie Ulven Ringheim (23) frå Horten har vorte hylla av internasjonale stjerner som Taylor Swift. Artisten skriv låtar om å forelska seg i jenter, difor har spørsmålet «Do you listen to Girl in red?» vorte ein måte å spørja om nokon er lesbisk.

23-åringen frå Oslo vert omtala som eit av Noregs største blåsetalent. Tubaisten er utdanna ved Noregs musikkhøgskole og har opptredd som solist med Oslo-Filharmonien.

Bergenske Regina Tucker (27) kom til Noreg som flyktning frå Sierra-Leone i ung alder og har vorte kjend for norske TV-sjåarar gjennom deltaking i både Stjernekamp og Hver gang vi møtes.

Samtidsmusikar Bendik Giske (40) er saksofonist, komponist og preformanceartist innanfor improvisert jazz og samtidsmusikk.

Marja Mortensson (27) har vekt åtgaum for måten ho formidlar sørsamisk joik på.

Hjerteslag-skodespelar Thea Sofie Loch Næss (25) slo igjennom i spelefilmen Natt til 17. og har seinare vore å sjå i Netflix-produksjonen The Last Kingdom.

Journalist og forfattar Erika Fatland (38) har fått mykje merksemd for sine gode reiseskildringar. Den siste tida har ho fått mykje merksemd for reiseskildringa Grensen, der ho tek føre seg alle landa som grensar til Russland. 

Oslo-forfattar Zeshan Shakar (39) slo igjennom med eit brak med debutromanen Tante Ulrikkes vei, og har tidlegare vore med på kronprinsesse Mette-Marit sitt litteraturtog.

Skihoppar Maren Lundby (27) har fått mykje ros for å bana veg for likestilling i hoppsporten.

Sindre Setsaas er i verdstoppen i virtuell racing.

Handballspelar Camilla Herrem (35) har ei lang fartstid på det norske landslaget og er blant deltakarane i årets Mesternes mester.

Marte Olsbu Røiseland (31) frå Froland i Agder har sanka mange medaljar i skiskyttarsporet.

Freestylekøyrar Birk Ruud (22) er olympisk meister i big air, og har vore å sjå på skjermen i 71 grader nord.

Helene Marie Fossesholm (21) er ein norsk langrennsløpar og terrengsyklist frå Vestfossen, som har vorte omtala som «den nye Marit Bjørgen».

Magnus Carlsen (31) er norsk stormeister og fem gonger verdsmeister i sjakk.

Lucas Braathen (22) vert omtala som eit av Noregs største alpintalent og vart tidenes yngste til å vinna sesongopninga i Sölden i Austerrike i 2020.

Norske Karen Dolva var i 2020 på BBC si liste over 100 kvinner som går i bresjen for endring. 32-åringen er interaksjonsdesignar og gründer av teknologibedrifta No Isolation, som har spesialisert seg på robotar som skal fungera som avatarar for langtidssjuke born.

Les Framtida-intervjuet frå oppstarten i 2016: Robot skal gå på skulen for sjuke barn

Jaktentusiast Ali Abdullah har vore på DN si liste over Ledestjerner. Etter at han kom til Noreg frå Irak har han funne interesse for norsk friluftsliv og starta Wild X, ein miljøvern- og friluftslivsorganisasjon for unge med fleirkulturell bakgrunn.

Surfar og entreprenør Simen Knutsen har grunnlagt organisasjonen Nordic Ocean Watch og jobbar som berekraftsdirektør i ÆRA.

Psykolog Maria Østhassel står bak profilen @psyktdeg i sosiale medium, og har nesten 30.000 følgjarar på TikTok.

Fjong-gründer Sigrun Syverud tek sikte på å gjera klesindustrien meir berekraftig med utleige av klede.

I 2020 var Bendik Walderhaug blant dei utvalde i DN-serien Ledestjerner. Som salssjef i Too good to go var matredding ei kampsak.

Ingebjørg Nueva Finnebråten starta Børsdamer då ho var i foreldrepermisjon i 2017. Børsdamer er ei plattform for kvinner som er interessert i økonomiske investeringar.

Minecraft-byggjar Joakim Mo Raudøy fekk i 2021 Sparebank 1 Søre Sunnmøre sitt talentstipend.

Thina Saltvedt gjekk frå oljeanalytikar til sjefsanalytikar i Nordea Markets.