Snakkar du i søvne? Dette kan vere ein av grunnane
Det å snakke i søvne kan vere relatert til medikamentbruk, stress og lite søvn, ifølgje søvnforskar.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Vi ser at det å snakke i søvne ofte går i arv og assosierast med djup søvn, seier Bjørn Bjorvatn, søvnforskar og professor ved Universitetet i Bergen, til NRK.
– Viss ein har underskot av søvn, så får ein meir av den djupe søvnen, og det er ofte i den fasen snakking skjer. Viss du vil prate mindre, så må du få nok søvn, seier han.
Bjorvatn peikar på at det å snakke i søvne kan vere relatert til både medikamentbruk, stress og lite søvn.
I ein befolkningsstudie frå 2010 kom det fram at 67 prosent av oss har snakka i søvne ein eller annan gong.
Les også: Korona påverka søvnen vår – og gjenopninga kan by på utfordringar
Koronatida har påverka søvnen vår, viser forsking. Foto: Ben Blennerhassett, Unsplash
