Dette er årets mest populære studium – størst konkurranse for tollarar og lokførarar

Etter to år med rekordhøge søkjartal er det i år 12,4 prosent færre som har søkt seg til høgare utdanning enn i 2021.

– Årets søkjartal viser at vi er på veg tilbake til normalen. Vi ser at mange søkjer seg til utdanningar som vil gje dei gode jobbutsikter når dei er ferdige å studere, seier forsknings- og høyere utdanningsminister Ola Borten Moe (Sp) i ei pressemelding.

Siviløkonomar, tollarar og lokførarar

Utdanninga som fekk flest førstegangssøkarar er siviløkonomutdanninga hjå NHH, følgt av rettvitskap hjå høvesvis UiO og UiB.

Universitet og høgskular: Studia med flest søkjarar

Også i år er det størst konkurranse om plassane til bachelorgrada i toll, vareførsel og grensekontroll ved Universitetet i Stavanger, tett følgt av arkitektutdanninga ved Arkitektur- og designhøgskolen i Oslo.

Blant fagskuleutdanningane er det både flest søkjarar og størst konkurranse om plassane på lokomotivførarutdanninga, med 7,4 søkjarar til kvar av dei 168 plassane. Også i fjor ville rekordmange verte lokførar.

Fagskular: Studium med flest førstevalsøkarar

• Lurer du på korleis kvardagen er som lokførar? – Det mest utrulege er kanskje kjensla når ein køyrer tog i snøstorm og ser absolutt ingenting framfor seg, fortel lokførartvilling Halldis! 

Halldis Folkedal ville heim til Vestlandet, og la kulturkarrieren på hylla til fordel for å køyre tog! Foto: Halldis Folkedal/Flickr

Rekordmange vil studere på nett

Endå færre har søkt seg til høgare utdanning i år enn i fjor, så har aldri så mange søkt seg til nettstudium. Landets fjerde mest populære studium er det nettbaserte deltidsstudiet organisasjon og leiing hjå Høgskulen i Innlandet.

Søknadstala til nettstudium har auka med 34,2 prosent sidan 2021.

– Vi har sett ei stor auke i søkjarar til nettstudium dei siste åra, noko som heng saman med at fleire ønskjer seg ein fleksibel studiekvardag. Fleire av studiestadane som har tillrettelagt for dette har opplevd ei markant auke i søkjarar.

Det seier Sveinung Skule, direktør i Direktoratet for høgare utdanning og kompetanse, i ei pressemelding.

Universitet og høgskular: Studia med flest førstevalsøkarar per studieplass:

• Les også: Mina (27) har droppa ut av studia to gongar – med heimeundervisning fekk ho toppkarakter

Fulltidsstudent Mina Edvardsen kunne fint ha kome seg til Universitetet i Stavanger, men taklar studiane mykje betre frå heimekontor. Foto: Privat