Nyheitsquiz: Statsbudsjett, Squid Game og regjeringskabal
Denne artikkelen er eldre enn 1 år gamal. Det betyr at noko av informasjonen kan vere utdatert.
Quiz: Nyheitsquiz veke 41
- Spørsmål 1 av 11
1.
«Alle» har sett Squid Game, og som følgje av seriesuksessen auka salet av kva med 7800 prosent?
Stemmer!
Salet av kvite Vans har auka med 7800 prosent etter at Squid Games kom på Netflix.
I serien går nemleg deltakarane med grøne joggedressar og kvite vans, men det visste du vel sidan ALLE I HEILE VERDA tydelegvis har sett han?
Du bommar på første målsjansen!
Salet av kvite Vans har auka med 7800 prosent etter at Squid Games kom på Netflix.
I serien går nemleg deltakarane med grøne joggedressar og kvite vans, men det visste du vel sidan ALLE I HEILE VERDA tydelegvis har sett han?
- Spørsmål 2 av 11
2.
Kva drivstoff brukar bilen til prins Charles?
Good on ye, mate! Rett.
Prins Charles rånar rundt i ein smekker, liten Aston Martin som går på kvitvin og osterestar!
Bilen er nemleg bygd om til å gå på hovudsakleg biodrifstoff med ein liten del blyfri bensin.
Nah, mate.
Prins Charles rånar rundt i ein smekker, liten Aston Martin som går på kvitvin og osterestar!
Bilen er nemleg bygd om til å gå på hovudsakleg biodrifstoff med ein liten del blyfri bensin.
- Spørsmål 3 av 11
3.
Kva er undertittelen på Espen Nakstad si nye bok «Kode Rød»?
Du vinner kampen for rett quizsvar!
Espen Nakstad har skrive om koronahandteringa i si nye bok Kode Rød – Kampen for det vakre.
Du går tapande ut av denne quizkampen.
Espen Nakstad har skrive om koronahandteringa i si nye bok Kode Rød – Kampen for det vakre.
- Spørsmål 4 av 11
4.
Kven vert ny sametingspresident?
Deaivása! Du svarar rett!
Tre veker etter valet er det omsider klart at Silje Karine Muotka frå Norske Samers Riksforbund vert ny president i Sametinget!
Ho tek over etter partikollega Aili Keskitalo, som har vore president i tre periodar – først frå 2005 til 2007, og så frå 2013 til 2021.
Boastut! Feil svar.
Tre veker etter valet er det omsider klart at Silje Karine Muotka frå Norske Samers Riksforbund vert ny president i Sametinget!
Ho tek over etter partikollega Aili Keskitalo, som har vore president i tre periodar – først frå 2005 til 2007, og så frå 2013 til 2021.
- Spørsmål 5 av 11
5.
Adele er ute med ny plate. Kor lenge er det sidan ho sist hadde ein ny låt ute?
Korrekt! Har du telt dagane?
Det er seks år sidan Adele kom med si førre låt, Why do you love me. Det er lenge sidan, i dei tider when we were young.
Denne veka sleppte artisten Easy on Me, den første singelen frå den komande plata 30.
…men du svarar feil.
Det er seks år sidan Adele kom med si førre låt, Why do you love me. Det er lenge sidan, i dei tider when we were young.
Denne veka sleppte artisten Easy on Me, den første singelen frå den komande plata 30.
- Spørsmål 6 av 11
6.
Maren Grøthe kom inn som fast representant på tinget denne veka. Kor gammal er ho?
Ding-ding-ding!
Maren Grøthe er 20 år gammal, og vert tidenes yngste til å møte fast på Stortinget. Senterparti-politikaren tek plassen til partikollega Ole Borten Moe, som vart utnemnd til forskings- og høgareutdanningsminister.
(Og så sender vi ein tanke til alle 20-åringar som no samanliknar karriereframgangen sin med ein stortingsrepresentant.)
Wom-womp-womp. Feil.
Maren Grøthe er 20 år gammal, og vert tidenes yngste til å møte fast på Stortinget. Senterparti-politikaren tek plassen til partikollega Ole Borten Moe, som vart utnemnd til forskings- og høgareutdanningsminister.
(Og så sender vi ein tanke til alle 20-åringar som no samanliknar karriereframgangen sin med ein stortingsrepresentant.)
- Spørsmål 7 av 11
7.
Kor mange grandis hadde kvar enkelt nordmann fått, om vi heller brukte oljepengane frå statsbudsjettet på ferdigpizza?
For eit grandiost svar, det er rett nemleg.
Det førslåtte statsbudsjettet legg opp til at vi skal bruke 322 milliardar kroner frå Oljefondet.
Ifølgje E24 strekker det til éin grandiosa til kvar til heile Noregs befolkning, kvar dag i 4 år og 36 dagar.
Det store spørsmålet er likevel: Kor mange Big One Classic er det?
Neida, det er meir enn som så.
Det førslåtte statsbudsjettet legg opp til at vi skal bruke 322 milliardar kroner frå Oljefondet.
Ifølgje E24 strekker det til éin grandiosa til kvar til heile Noregs befolkning, kvar dag i 4 år og 36 dagar.
Det store spørsmålet er likevel: Kor mange Big One Classic er det?
- Spørsmål 8 av 11
8.
Emilie Enger Mehl (28) vert den yngste statsråden i den nye regjeringa, men kva ministerpost skal ho ha?
Rett!
Senterpartipolitikar Emilie Enger Mehl vert den nye justisministeren! 28-åringen vert den yngste justisministeren nokosinne. Statsminister Jonas Gahr Støre får med seg 18 statsrådar i regjering, ti kvinner og ni menn.
(Ingen utnemnd til quizminister – førebels)
Feiiiil.
Senterpartipolitikar Emilie Enger Mehl vert den nye justisministeren! 28-åringen vert den yngste justisministeren nokosinne. Statsminister Jonas Gahr Støre får med seg 18 statsrådar i regjering, ti kvinner og ni menn.
(Ingen utnemnd til quizminister – førebels)
- Spørsmål 9 av 11
9.
Noreg søker om å arrangere fotball-EM for kvinner i 2025, saman med kva andre land?
Rett i nettet!
Noreg har kasta ein nordisk hatt inn i fotballringen, og meldt si interesse til å arrangere fotball-EM saman med Sverige, Danmark og Finland.
Færøyane og Island vil òg støtte turneringa, så dei nordiske landa spelar på same lag.
Ai, du bommar på ope mål.
Noreg har kasta ein nordisk hatt inn i fotballringen, og meldt si interesse til å arrangere fotball-EM saman med Sverige, Danmark og Finland.
Færøyane og Island vil òg støtte turneringa, så dei nordiske landa spelar på same lag.
- Spørsmål 10 av 11
10.
Kva land innfører no ei lov som gjev vaktar høve til å kaste flyktningar ut på grensa?
Rett.
Polske styresmakter har innført ei ny lov som gjev grensevaktane lov til å avvise flyktningar på grensa, og såleis nekte dei mogeleghieta til å søkje asyl.
I tillegg har styresmaktene vedteke å bygge ein høg mur på grensa for å halde flyktningar ute.
Feil.
Polske styresmakter har innført ei ny lov som gjev grensevaktane lov til å avvise flyktningar på grensa, og såleis nekte dei mogeleghieta til å søkje asyl.
I tillegg har styresmaktene vedteke å bygge ein høg mur på grensa for å halde flyktningar ute.
- Spørsmål 11 av 11
11.
Noregs Mållag feira medlemsrekord denne veka. Kor mange medlemmar?
15 000 gratulasjonar til deg!
Mållaget har runda 15 000 betalande medlemmar. Så høgt har ikkje medlemstalet vore sidan 1987.
Ivar Aasen skålar nok i Mozell no.
Du var i overkant optimistisk no.
Mållaget har runda 15 000 betalande medlemmar. Så høgt har ikkje medlemstalet vore sidan 1987.
Ivar Aasen skålar nok i Mozell no.
Resultat:
Vurdering:
Har du fått med deg desse sakene frå veka?
- Statsbudsjettet: Dette er viktig for deg som er ung
- Hadde du ikkje oversikt over statsrådane? Då bør du sjekke ut den saka her.
- Statsbudsjettforslaget kuttar støtte til mental helse-chat: – Ein kan ikkje berre komme med fagre løfter
- I Afrika er berre 4,8 prosent fullvaksinerte – Changemaker ber Noreg sikre vaksinar
Framtida.no bad ungdomsorganisasjonane trille terning på regjeringsplattforma – sjå kva dei meiner er dei største styrkene og svakheitane!
Foto: Pressefoto: Kollasj: Framtida.no
