Elevorganisasjonen vil ha omkamp om fråværsgrensa
Regelen om fråværsgrense i vidaregåande skule tolte ikkje pandemien, meiner Elevorganisasjonen. Dei håpar på omkamp om regelen etter valet.
Denne artikkelen er eldre enn 1 år gamal. Det betyr at noko av informasjonen kan vere utdatert.
I 2016 blei regelen om at dersom ein elev på vidaregåande skule er borte meir enn ti prosent frå undervisninga i eit fag, skal eleven som hovudregel ikkje få standpunktvurdering i faget.
Då koronapandemien ramma våren 2020, forsvann fråværsgrensa i den vidaregåande skulen.
– Då må vi stilla oss sjølve spørsmålet: Skal vi ha så skjøre system i skulen, at når det kjem ein pandemi så må vi oppheva dei? Då ville vi sagt nei, seier leiar Edvard Botterli Udnæs i Elevorganisasjonen til NRK.
Organisasjonen håpar på omkamp om å få regelen fjerna etter valet.
- Les også: Første kull med fråværsgrensa: «Både eg og andre var på skulen på dagar då vi skulle ha vore heime»
Illustrasjon: Linn Isabel Eielsen
