Fleire gir vekk noko brukt til jul
Denne artikkelen er eldre enn 1 år gamal. Det betyr at noko av informasjonen kan vere utdatert.
Det viser tal frå ei undersøking utført av Norstat for Finn.
– Det er svært hyggeleg å sjå at folk i heile landet blir meir og meir bevisste på gjenbruk og brukar Finn som ein bruktbutikk, seier produktdirektør på Finn toget, Kathrine Opshaug Bakke i ei pressemelding.
Ifølgje Finn blir fleire og fleire positive til å både gi og få brukte julegåver over tid.
Generasjonsskifte
Tala for i år viser at 29 prosent er positive til å gi brukte julegåver og 42 prosent er positive til å få, noko som er ein oppgang frå i fjor.
Halvparten av dei mellom 18 og 49 er positive til å få brukte julegåver i år.
Det kan tyde på eit generasjonsskifte der unge og småbarnsfamiliar er meir bevisste på både økonomi- og miljøaspektet ved å kjøpe brukt, meiner Finn.
– 2020 har vore eit annleis år, og mange har fått auga opp for korleis vi brukar tida og ressursane våre. Vi kjem til å sjå smartare forbruk der det å kjøpe og gi bort brukt blir sett på som eit reelt alternativ til å kjøpe nytt, seier Bakke.
- Les også: 10 bøker å ønskja seg til jol
Fotokollasj av framtida.no. Bakgrunnsfoto: Mel Poole/Unsplash
