Unge er ekstra einsame i pandemitida
Kvar fjerde nordmann er einsam, viser ei undersøking av Opinion i oktober. Men for dei under 30 er talet høgare. Her svarer nesten halvparten at dei er einsame.
Denne artikkelen er eldre enn 1 år gamal. Det betyr at noko av informasjonen kan vere utdatert.
Talet på personar som føler seg einsame i befolkninga generelt, har auka med 3 prosent sidan september, og 6 prosent sidan juli, viser undersøkinga.
– Opplevinga av einsemd har auka i haust, og er no omtrent på same nivå som dei høgaste målingane i byrjinga av pandemien. Dei yngre slit meir enn før, seier seniorrådgivar i Opinion, Nora Clausen.
Talet på nordmenn som saknar meir kontakt med andre er no på rekordhøgt nivå.
Nora Clausen. Foto: Opinion
6 av 10 vil ha meir kontakt
Så mykje som seks av ti seier i oktober òg at dei ønskjer meir kontakt med andre menneske. Dette er 9 prosent meir enn i september.
Men også her er talet høgare for dei under 30, der 70 prosent seier at dei saknar kontakt med andre.
– VI saknar kvarandre meir enn nokon gong. Pandemien, tiltak og ei mørkare årstid slit på svært mange, meiner Clausen.
Helsedirektoratet stikk hol på bursdagdraumen til tenåringsjentene frå Stord, og viser til at reglane for smittevern ikkje gir unntak. Foto: Adi Goldstein, Unsplash
