Nye tal: Éin million døde av korona
Verda passerte éin million dødsfall på grunn av covid-19-pandemien, viser tal frå Worldometer.
Denne artikkelen er eldre enn 1 år gamal. Det betyr at noko av informasjonen kan vere utdatert.
Korona-pandemien: Dyster milepæl er passert
Det første bekrefta dødsfallet av sjukdommen blei registrert i Wuhan-provinsen i Kina 9. januar, mens det første dødsfallet utanfor Kina blei registrert 1. februar på Filippinane, ifølgje NRK.
Pandemi
Sidan då har virussjukdommen utvikla seg til å bli éin av dei største pandemiane sidan Spanskesjuka herja for hundre år sidan.
33 millionar menneske er no registrert smitta, ifølgje Worldometer. I Noreg er det 13.658 registrerte smitta.
USA har flest døde i verda, med over 209.000 døde. Her er over 7,3 millionar registrert smitta.
Heidra dei døde
Familiane etter folk som har døydd av koronaviruset heidra dei døde med 53.000 spanske flagg i hovudstaden Madrid på søndag.
Spania er eitt av landa i Europa som er hardast råka av covid-19, og har no opplevd ein ny auke i smitten.
LES OGSÅ: 1 av 5 unge har slutta å gå ut av huset som følgje av pandemien
Koronapandemien har endra kvardagen for folk. Heimekontor har blitt svært vanleg. Illustrasjonsfoto: Yogendra Singh, Unsplash.com
Desse landa har flest døde av covid-19:
- USA: 209.326
- Brasil: 141.441
- India: 94.971
- Mexico: 76.243
- Storbritannia: 41.988
- Italia: 35.835
- Peru: 32.142
- Frankrike: 31.700
- Spania: 31.232
- Iran: 25.589
