Greta Thunberg ber aktivistar unngå store samlingar
Klimaaktivist Greta Thunberg organiserer inntil vidare klimastreiken «Fridays for Future» på internett for å unngå at demonstrantar samlast.
Denne artikkelen er eldre enn 1 år gamal. Det betyr at noko av informasjonen kan vere utdatert.
Thunberg bad onsdag om at alle som følgjer klimakampen, må unngå å møtast i store masseprotestar sett i lys av spreiinga av koronaviruset.
Ho gav følgjarar av rørsla klar beskjed om at dei må lytte til råd frå helsestyresmakter, som stansar samlingar av store folkemassar for å bremse utbreiinga til viruset.
– Vi unge er minst ramma av viruset, men det er svært viktig at vi handlar i solidaritet med dei som er mest sårbare, og at vi handlar i tråd med det som er best for det felles samfunnet vårt, skreiv ho på Twitter.
We can’t solve a crisis without treating it as a crisis and we must unite behind experts and science.
This of course goes for all crises.Now the experts urge us to avoid big public gatherings for a better chance to #flattenthecurve and slow the spreading of the Coronavirus. 1/4 pic.twitter.com/24o3a7J9ed
— Greta Thunberg (@GretaThunberg) March 11, 2020
#DigitalStrike
– Klimakrisa og den økologiske krisa er dei største krisene menneskja har møtt, men no (avhengig av kvar du bur) må vi finne nye måtar å skape medvit og jobbe for endring på ein måte som ikkje inneber store folkemengder, skriv ho.
17-åringen oppmodar no aktivistar til å delta i klimastreiken «#DigitalStrike for upcoming Fridays». Deltakarar kan legge ut bilde av seg sjølv på nettet med eit skilt om at dei klimastreikar.
- Les også reaksjonane på at eit saudiarabisk oljeselskap fekk ein framandarbeidar til å kle seg som ein menneskeleg handdispenser: – Rasisme
Dette biletet av ein framandarbeidar i det saudiarabiske oljeselskapet Saudi Aramco vert kritisert på Twitter. Foto: Hisham Fageeh, Twitter
