Fleire tusen brølte for klimaet
Klimabrølet har tatt mål av seg til å bli Noregs største markering for klimakampen, og fredag ettermiddag brølte fleire tusen menneske framfor Stortinget.
Denne artikkelen er eldre enn 1 år gamal. Det betyr at noko av informasjonen kan vere utdatert.
Etter fleire testbrøl runga klimabrølet framfor Stortinget fredag ettermiddag klokka 16.42. Målet med klimaropet var å få fortgang i klimapolitikken.
Innsatsleiar Torgeir Brenden i Oslo-politiet anslår overfor NTB at det var mellom 6.000 og 8.000 menneske framfor Stortinget i samband med Klimabrølet. Oppdaterte tal frå arrangørane ligg på 30.000 i Oslo og 58.000 i Noreg.
Høyr folkemengda brøle i Oslo:
Brølte frå nord til sør
Ambisjonen til klimabrølet var å samle 100.000 menneske i Oslo og 50.000 totalt andre stader i landet. Brølet vart òg arrangert i Bergen, Kristiansand, Tromsø, Finse, Fredrikstad, Tønsberg, Skien, Alta og på Svalbard.
I Oslo starta arrangementet på Youngstorget før demonstrantane gjekk i tog til Eidsvolls plass. Der vart det halde klimaappellar og eitt minutts stille før forsamlinga bokstaveleg talt brølte mot Stortinget.
Innsatsleiar Brenden seier at arrangementet i Oslo førebels har gått roleg for seg utan nokre uønskte hendingar.
Oppdatering: I følge Klimabrølet sine eigne tal var det omlag 30.000 som var med i Oslo og 58.000 i heile landet.
- Rett for Klimabrølet var det nasjonal skulestreik for klimaet: – Det siste året har vist kor mektige ungdom kan vera
F.v. Atakilti Mahansu Tahme (13), Truls Melby Garder (13), Norius Mika (12), Jacob Kjønsli (13) og Jakob Engebretsen Teigland (13). Foto: Ingvild Eide Leirfall
